Lyrics Ala Shat Bahrena - Warda

عايزين نسكن هنا على شط بحرنا
والشمس والهوى دول يبقوا ملكنا
لازم نخلي بابا ينقل بيتنا هنا
ونعيش فيه كلنا
هنا هو العيشه حلوه بتوفر الهدوم
بدل المريول اللي ديق
هنا عـ الواسع نعوم
نعوم زي السمك ده ونسابق بعضنا
ايه اجمل مـ الطبيعه والميه والهوى
اللي اجمل من ده كله لمتنا هنا سوى
الدنيا تبقى لينا طول ما احنا لبعضنا
عايزين نسكن هنا على شط بحرنا
والشمس والهوى دول يبقوا ملكنا
لازم نخلي بابا ينقل بيتنا هنا
ونعيش فيه كلنا
واخد الالعاب عـ الرمله
وابنيلها فوقها بيوت
واعمل سور من حواليها
ولا اخليش حد يفوت
لحسن يدوس عليها وابات متعكننه
الارض ماهيش بتاعتك دي ملك كل الناس
والبنا يوقع يا شاطره لو كان مالوش اساس
وان جات له موجه جامده يطير في وش ناس
عايزين نسكن هنا على شط بحرنا
والشمس والهوى دول يبقوا ملكنا
لازم نخلي بابا ينقل بيتنا هنا
ونعيش فيه كلنا