Lyrics Lah aues usä - Webba

Immer isch auäs fautsch
Grächtigkeit isch Aasichtssach
D'Geduld uf d'Prob gsteut
Gschlafä wird es anders mau
Weisch Sicherheit geit vor
Jedä chönnt di feind si
U du muäsch es akzeptiere
Wie dr untergrund dr mainstream
Es läbä sträng nach Plan
Mit vorschriftä und paragraphä
Gratis Jod-Tablettä
D'Schachtlä i dä Landesfarbä
Denunziantätum, Huusfrouä verteilä Buessä
Auäs wird kontrolliert
Jedä het ä Seriänummer
Dr Vorgartä besser sicheret
Besser dir verpisset nech
Verschüchä au die Hüng so wie wenn's gwitteret
I däm Quartier hets no meh Züün
Aus a dr Landesgränzä
Weisch ä ächte Schwiizer dä beschützt o sini Gartäzwärgä
Di unterdrückti Wuet
Lächlä wem ä hässig wär
Wöu im nä ächtä Paradies
Kennt mä ke schlächti Täg
Säch nüt la aamerkä
Bis eim mau dr Chragä platzt
När auäs usälah
Bevor d'no öppis angers macht

Und Du gspürrsch es i dir inn
Und Du chasches nümm verhindere
Dür Verluschte zum nä Gwinn
Um die Schmärz chönne z'lindere
Trag sone Wäut nid uf Schoutere
Wirf sä ab
Häb ke Angscht vorem Schmärz
Gib ds wo dä chasch
I xeh di jede Tag stärbe wenns dräckig wird
Du bisch ällei drum sägi dir

Bevor dr Gring platzt, schrei und lah auäs usä!
Wenn's dr nid passt, schriib es Mail und lah auäs usä!
Tanz um dis Läbä, gang steil und lah auäs usä!
Hey, lah auäs usä! Hey, lah auäs usä!
Bevor dr Gring platzt, schrei und lah auäs usä!
Wenn's dr nid passt, schriib es Mail und lah auäs usä!
Tanz um dis Läbä, gang steil und lah auäs usä!
Hey, lah auäs usä! Lah auäs usä!

Iz riiss di mau chly zämä
Z'Läbä isch ke Ponyhof
D'Eggä u Kante maches us
Wienäs Polygon
Äs gäb so vieläs wo du Pumpi no chönntsch besser machä
Und bliibsch aber ussä vor wienä Hung bimnä Metzerladä
Du chasch scho lachä mit dim Schoggiläbä
Aus perfekt wie Cociwärbig
Dir wird vieläs gschänkt wie am nä Hochziitspäärli
Du Siäch bisch dünner aus ä Schluck Tee i dr Kurvä
Und wenn de kennt mä di flüchtig wie Typä uf dr Kurvä
Wennd öppis hesch ischs nid Chönnä sondern Glück, Hey!
Und du geisch säutä ungerdürrä wienä Brüüg, Hey!
Du weisch zwar nid was dä wotsch aber dä würdsch
Und bisch öppä so willkommä wie bir SVP ä Türk
Du bisch äs Gschwür und geisch mr ufä Sack mann
Du trüäbsch nur Blickä vo paar Träumer wie dr Sandma
Lug dini Meinig isch nid gfragt wie bim nä Quiz
Auso wennd ke Ahnig hesch denn schwieg

Bevor dr Gring platzt, schrei und lah auäs usä!
Wenn's dr nid passt, schriib es Mail und lah auäs usä!
Tanz um dis Läbä, gang steil und lah auäs usä!
Hey, lah auäs usä! Hey, lah auäs usä!
Bevor dr Gring platzt, schrei und lah auäs usä!
Wenn's dr nid passt, schriib es Mail und lah auäs usä!
Tanz um dis Läbä, gang steil und lah auäs usä!
Hey, lah auäs usä! Hey, lah auäs usä!