Lyrics American Land (San Gotard Version) - ZANO feat. Charlie Cinelli

Jira la jostra, la jira senza fermar-s
El dé de la Merla se ge riva gnanc a regordar-l
La jent de la campagna prepara el so caval
Vom tœts in piaza per el dé de San Gotard.
Un'unega via la passa tœt el paes
El sior in bicicleta qe al sœgœta inanz e indree
A l'osteria de Mina tra botilion e bicier
Una feta de salam, el tri de cope ge l'hoo mé.
La s'cieta la balla ind el mez de la ballera
I fiœi come i lumage i mira la sotana
La jent l'è tœta in festa, se prepara de disnar
Le siore brœte e belle per el dé de San Gotard.
De fœra de la ciexa g'è una grand confosion
Se mes'cia qei plu brav insema ai impostor
Per indar a portar la statua ind la procession
I g'ha tœ dree i gnari, i sior e pœ i barbon.
In fond a la strada g'è jo pœ el tirapœgn
In banda el "calcinculo" qe al jira tœt el dé
La fiœla plu bella l'è qella del tirasegn
Un gol pœ de dads e ta g'heet plu gnanc un gell.
E come tœts i agn l'è dree anc'mò qe al piœv
El pret al se lamenta ma miga el contadin
La jent la ciapa l'aqua però i è tœts contents
I molla el San Gotard e al fiasc i ge da dent
E adess qe i è tœts cioc i taca con la morra
Le vox le se fa volte se l' sent ind la via
Le fomne imbestialide le riva in su la porta
Le se ambia dree a voxar e insì i va tœts a cà.
Jira la giostra, la jira senza fermar-s
El dé de la Merla se ge riva gnanc a regordar-l
La jent de la campagna prepara el so caval
Indom tœts in piaza per el dé de San Gotard.