Lyrics Friling - חוה אלברשטיין

איך בלאָנזשע אין געטאָ, פון געסל צו געסל
און קיין ניט געפונען קיין אָרט
ניטאָ איז מיין ליבער, ווי טראָגט מען אריבער
מענטשן, זאָגט כאָטש א וואָרט.

עס לויפט אויף מיין היים איצט דער הימל דער בלויער
וואָזשע האָב איך איצט דערפון
איך שטיי ווי א בעטלער ביי יעטוויטן טויער
און בעטל א ביסעלע זון.

פרילינג, נעם צו מיין טרויער
און ברענג מיין ליבסטן, מיין טרייען צוריק
פרילינג, אויף דיינע פליגל בלויע
אָה, נעם מיין הארץ מיט, און ברענג עס צו מיין גליק
פרילינג, אויף דיינע פליגל בלויע
אָה, נעם מיין הארץ מיט, און ברענג עס צו מיין גליק.

איך גיי צו דער ארבייט פארביי אונזער שטיבל
אין טרויער דער טויער פארמאכט
דער טאָג א צעהעלטער, די בלומען פארוועלקטע
זיי וויאנען פאר אונז איז אויך נאכט.

פארנאכט אויף צירוקוועגס, עס לויערט דער טרויער
אָט דא האָסטו ליבסטער געווארט
אָט דא אינעם שאָטן, נאָך קענטיג דיין טראָטן
פלעגסט קושן מיר ליבלעך און צארט.

פרילינג, נעם צו מיין טרויער
און ברענג מיין ליבסטן מיין טרייען צוריק
פרילינג, אויף דיינע פליגל בלויע
אָה, נעם מיין הארץ מיט, און ברענג עס צו מיין גליק
פרילינג, אויף דיינע פליגל בלויע
אָה, נעם מיין הארץ מיט, און ברענג עס צו מיין גליק.

ס'איז היי-יאָר דער פרילינג גאָר פרי אָנגעקומען
צעבליעט האָט זיך בענקשאפט נאָך דיר
איך זע דיך ווי איצטער באלאָדן מיט בלומען
א פריידיגער גייסטו צו מיר
די זון האט פארגאָסן די וועלט היינט מיט שטראלן
צעשפראָצט האָט דער ערד זיך אין גרין
מיין טרייער מיין ליבסטע וואו ביסטו פארפאלן
דו גייסט ניט ארויס פון מיין זין.

פרילינג, נעם צו מיין טרויער
און ברענג מיין ליבסטן מיין טרייען צוריק
פרילינג, אויף דיינע פליגל בלויע
אה, נעם מיין הארץ מיט, און ברענג עס צו מיין גליק
פרילינג, אויף דיינע פליגל בלויע
אה, נעם מיין הארץ מיט, און ברענג עס צו מיין גליק.