Lyrics 娥姐卖粉果 (粤语) - 尹光

女：我叫做阿蛾 專製做粉果 揀正上等材料和粉自己去磨
尤如靈丹食一次 就成個人唔餓 味道唔錯
好過食燒鵝 所有熟客買親段打和買成蘿 人人問我點解得咁靚
因我用嘅材料正一上等無欺認下商標最叻 係我阿蛾

男：我成日去搵阿蛾 愛佢靚夾肉地唔啊錯
我朝朝走去幫襯 我實在想親近阿蛾
喂 買粉果買粉果 乜你個圓蘿咁大個㗎

女：吓 啋啋啋你咪激嬲我喔

男：我話你載粉果嗰個蘿啫

女：因乜你咁鬼口多啫
女：我話你立意撩我㗎
男：實在忘形亂嗡 等我認聲錯呀 我想幫襯
女：幫襯哪一個 睇你面懵有啲唔妥
男：你仲話我口多 乜你亦係咁口多
你立亂咁嚟鬧我㗎
女：以後我唔煩你啦
男：我又唔煩你啦
合：大家講過就算和啦

男：我同你講下買賣 用粉要你自己磨
女：你唔買就請過 男白：點解啊
女：使乜咁事幹多啫
男：蛾姐 你磨過香夾滑
男：喂 咁樣至叫你磨咋咯 我嚟買大幫貨啵 唔係買三幾個啊
女：你想買幾多啫
男：我想買成蘿 女：哇 你上倉咩
男：我借花改敬事頭婆 男白：俾啲錢你呀
女：啲錢擰返去 俾返你個黃面婆
男：我係單身寡仔 得我自己一個咋

女：睇你咁輕佻 女人一定呃得好多啦 男白：無呀
女：你重係寡仔與我又如何
男：只因擇偶賢淑 要小心啲揀個來坐
男：我並未有知心相配合 我情願就無老婆 男白：我仲未结婚
女：原來咁識揀老婆 男白：係人都識㗎
女：為人精乖又唔傻 男白：唔傻
女：從前未明你份人 男白：點呀 蛾姐
女：當作飛哥一個
男：我回頭叫一聲阿蛾 女白：點啫
男：呢處為何得一個事頭婆
哇 完全做埋冇別人㗎間舖頭得你一個

女：是呀 我決意自梳天天盡照磨
因為飛哥太心多 係女人都想要做老婆
男白：我唔係咪得咯
女：我求兩餐啫 只醫個肚皮餓 男白：自食其力 好嘢
女：天天整粉果都算自己稱做事頭婆
男：阿蛾你憐念我呀
男：我年少又情多
男：你若然許婚於我 我我 我我我 女白：咁又點啵
男：我有十靈盆現貨
女白：十幾萬咁多呀 男白：日本紙呀
男：你即管想清楚 男白：嫁俾我呀
女：只怕你心多 男白：唔會
女：嗰陣無收科 我今世自己捱都好過做你老婆
男：你捱得多就知錯 收尾兩年頭又無細路哥
我問你點收科 不若一於嫁我做老婆
女：你除非應允獨愛我一個 男白：得啊
女：夫婦和諧你莫太心多
男：我誓不心啊多 心啊多 專心去愛阿蛾
女：我低聲叫哥 男：就一於拍拖啦
女：拖住愛哥呀 男：親熱拍拖
合：大眾拖手一路唱歌 一啤掕住就好似秤共陀
從今鴛侶同諧和 花放同時又結果大家
女：歡呼
男：歡呼
合：Darling你呵返我