Lyrics 無頭一啤蛇 - 尹光

(講到賭十三張 唔係話認老資格
擺牌要夠靈機 拆牌要有善法
嗱 譬如揸住粒粒夫 最大煙夫都要擘
如果擺得無啤花 當然擺個戰鬥格
就算無頭一啤蛇 隨時可以格食格 格食格
唔信呀 我有鋪咁嘅啵)

無頭一啤蛇 嗱 頭門揸三輪車喎 哈哈
但係我嗰一啤係煙一啤 先殺咗一家渣嘢啦

對家原來係五啤 呢佢拆開擺過兩條蛇
但係要得蛇嚟就無啤 咁就變咗無蛇蛇
係賭仔都擺五啤啦 咁就贏頭贏二我梗謝
因為五啤格隨時 食晒充頭
同時食晒粒啤花 就算粒啤夫 都通通企歪

我贏絕唔係靠好運
呢嗱確非胡言亂咁車
格食格原來真嘅

嗱 原來尾家都無頭 二度得King一啤啫 哈哈
尾度積夫佬當佢茄喱啡 殺得真好嘢啦

(喂喂喂朋友 講到賭錢最容易出術係乜嘢呢
十三張 所以賭錢一定要眉精眼企
有朝一日遇到老千
千祈唔好執人哋手照呀
借頭借路就掹)

喂喂好賭提防遇老千 因為老千手法係最邪
佢有班頭人係惡爺 怕你馬精亦會任人騎
佢哋專將貓尾扯 嗱 同行能用眼一射
你知佢明明 係靠呃人
唔能話佢出千 未有執到他的手照無得er
你要明白人哋靠搵食囉 睇到勢色唔同就快扯啦
免做肥羊明瀨嘢