paroles de chanson Rafeq Elail - Ahmed Kamel

وأقصد يبانلى ضحكه فى وسط اللمه عشان محدش يعرف مالى
واختار الليل رفيق مع أن الليل ملهش غالى
تفوت أيام وليالى وبنسى وحيد حاضن مخده
الليل بكل برده يفكر قلبى فأرجع أعيط تانى

هتفضل تحكى أنك موجوع وعينك شايله دموع
هيفضل صوت بكاك مسموع بياكلوا فى بعض ما بينهم جوع
ومهما تبوح يا نوح سفينتك عمر ماليها رجوع
الأرض اتهشمت وأنت الناجى الوحيد مع دول

يا رب أجبر بخاطرى أنت الى عالم وأنا بكتفى
الحمد ليك والشكر ليك وحياة النبى ما تكسر نفسى
تعبان من كتر ما بحكى وفى نفس الوقت سكوتى خانقنى
لو كانوا دعولى بعد السمع حتى مكنش اتقسم ضلعى

يا بويا، أدعيلى فى كل صلاه أشرفك
أدعيلى ياما يسهل عنى تعبت من المرمطه
بنت الحلال موجوده بس أجيب منين
الشكوى لغير الله مذلة بنقول قضاء وقدر

زى سندباد من غير سفينه ولا بحاره
إدينى أماره إن أنا مختارك عند وسط بنات أفكارك
الناس دى فاكره تحت القبه شيخ، مفيش غير تواريخ
بفتكر شئ وبنسى شئ علشان حوجتك ليه

وأديك تعبان وحكايتك نكد مش بتضحك
سبق وكله عاوزك سلم فكل مره بتكسب
تكالك على الله، ونعم بالله، العين كارهاك
ومش رحماك أوجاع فا بتسأل نفسك ليه وإزاى

الدنيا وحشه يا خويا، أوعاك تطاطى لحد
لو يوم حبيت ووحشك حد تفوق تلقاك أتسابت
الناس دى هايمه كدب اتعشم ليه فى عشرة صدق
أوعاك تخاف ولا تاخد ضهر إلعن فى صنف العشق

وجلال الله ما مسامحك يا أحمد عاللى عملته فى نفسك
أخرت نفسك، خسرت نفسك، وكسبت أوهام تافهه
ما تطلع بره المشهد، ده المخرج قاعد يضحك
شاف تفاهات من ناس أعمارها شايلين عيله نفس القصه

الدنيا وحشه يا خويا، أوعاك تطاطى لحد
الناس دى هايمه كدب اتعشم ليه فى عشرة صدق
وجلال الله ما مسامحك يا أحمد عاللى عملته فى نفسك
ما تطلع بره المشهد، ده المخرج قاعد يضحك