paroles de chanson Frasturnatu / Pensa e ripenza - Alfio Antico

FRASTURNATU

Frasturnàtu passìava
Dintra l'anima di lu me' paisi
Cu 'n vintacciulèddu friddu ca
Ciusciàva ri Punenti

Nùru comu n'addèvu
Lamintànnusi comu 'n vulcanu

Nùru comu n'addèvu
Lamintànnusi comu 'n vulcanu

Non sacciu si diri Cristu ca
Mi scappa di la cruci
O forsi è nu puèta ca
Chianci la so' saggizza

Arma ca camìni, portami luntanu
Unni non ci su' paroli

Arma ca camìni, portami luntanu
Unni non ci su' paroli

PENZA E RIPENZA

Penza e ripenza ca la vita è 'na furesta
Tutti ca n'ammazzamu
Ma nenti a nui n'arresta
Tutti ca n'ammazzamu
Ma nenti a nui n'arresta

Dici ca c'è 'a Maronna
Lu Signuri Unniputenti
Dici ca c'è 'a Maronna
Lu Signuri Unniputenti
A gran vùci ju lu chiamu
Ma nun crìru ca mi senti
A gran vùci ju lu chiamu
Ma nun crìru ca mi senti

Si putìssi turnari a nàsciri
Vulissi sìri criàtu ventu
Si putìssi turnari a nàsciri
Vulissi sìri criàtu ventu
Pi scàppari via luntànu
E turnàri ogni tantu
Pi scàppari via luntànu
E turnàri ogni tantu