paroles de chanson Dotorancho Doctor - Alfred Rose

Kantorist hea palkacho, lok taka vollkotalo,
Palkar kantaram korun, lokak khuxeal dhortalo,
Thoddim vorsam zalim pasar, auchit obsoeg ghoddlo,
Palka kantar kortanam, avaz tacho bond zalo.

Vhodlea dotoraxim gelea uprant, kuddik tache suntlo xello gham,
Talleacho kenser zala mhunn, sanglem dotoran,
Kantar korunk zaumchemnam, ulounk passun zaumchem nam,
Devan dilolo avaz, anik aikonk meuchonam.

Kenser boro zanv nezo, Dotor an taka sanglem,
Sangnnem aikona fuddem, hem kalliz tachem roddlem,
Kantaram korun tannem, aplem jivit sarlelem,
Talleacho kenser zaun, soglem sukh tachem soplem.

Bomboi breach candy mhunnta thoimsor,
Assa eok famad dotor, to dotor boro korta ghott bhavart assot tor,
Taka dotoraxim velo, tallo tacho dakoilo,
Udok ani tel vaprun cancer tacho pigoulo.

Sant Anton ochorieancho, hem tea dotorachem nanv
Breach candyn eke garagin chollta tachem devossanv
Koslim koslim duensam kurar korta diun bessanv
Talleak kenser zalolo kantorist bhavani anv

Duensantlo tuka boro zaunk zai tor, Sant Antonicher bhavart dor
13 Noveana tachim khorea bhavaratan tum kor
Bhavart kallzan gheun bitor Sant Antonik fuddo kor
Sant Anton aiz zaun assa, eok dotoramcho dotor
Hi milagr moje thaim ghoddlea, bhavani ek milagr vhodd.