paroles de chanson Dumanlı Təbriz, Külək - Arzu Əliyeva

Bahar dilkəş, bülbül çalır kamança
Sən də üzündən tez at pərdəni, gözəl qönçə
Bahar dilkəş, bülbül çalır kamança
Sən də üzündən tez at pərdəni, gözəl qönçə
Toy-büsat başlanmışdır çəməndə
Hər gülün ləbində bir xəndan
Saxlamışdır bir piyalə
Çəməndə hər lalə
Çox uzun deyildir bu həyat
Toru-zülfün at
Qoy gülsün eşqinlə kainat
Eşqinlə kainat

Bahar dilkəş, bülbül çalır kamança
Sən də üzündən tez at pərdəni, gözəl qönçə
Bahar dilkəş, bülbül çalır kamança
Sən də üzündən tez at pərdəni, gözəl qönçə
Toy-büsat başlanmışdır çəməndə
Hər gülün ləbində bir xəndan
Saxlamışdır bir piyalə
Çəməndə hər lalə
Çox uzun deyildir bu həyat
Toru-zülfün at
Qoy gülsün eşqinlə kainat
Eşqinlə kainat

Mən çəkərkən eşqə cəfa
Sən sürürdün onda səfa
Sən sürürdün onda səfa
Mən çəkərkən eşqə cəfa
Çox uzun deyildir bu həyat
Toru-zülfün at
Qoy gülsün eşqinlə kainat
Ey, çox uzun deyildir bu həyat
Toru-zülfün at
Qoy gülsün eşqinlə kainat
Eşqinlə kainat
Eşqinlə kainat
Eşqinlə kainat

Ney kimi, ney kimi hərdəm ki bəzmi-vəslini yad eylərəm
Ta nəfəs vardır quru cismimdə, fəryad eylərəm
Ruzi-hicrandır sevin
Ruzi-hicrandır sevin, ey murği-ruhim kim, bu gün
Bu qəfəsdən mən səni, əlbəttə, azad eylərəm
Ay aman... Yar, ay aman... Ey

Vəhm edib ta salmaya sən mahə mehrin hiç kim
Kimə... Kimə yetsəm, zülmü cövründən ona dad eylərəm
Qan yaşım qılmaz vəfa, giryan gözüm israfına
Bunca kim, hərdəm ciyər qanından imdad eylərəm
Ey, aman... Yarım, aman, aman... Ax aman, dad, aman, ey

İncimən hər necə kim, əğyarı bidad eylərəm, ay
Yar cövriçün, könül, bidada mötad eylərəm
Aman, aman, aman, aman, aman, yar... Aman
Yar, ay dad, aman, ey

Lövhi-aləmdən yudum eşq ilə Məcnun adını
Yar... Dad, aman, ey
Lövhi-aləmdən yudum eşq ilə Məcnun adını
Ey Füzuli, mən dəxi aləmdə bir ad eylərəm
Ay dadi-bidad, ey

Məni candan usandırdır, cəfadan yar usanmazmı?
Fələklər yandı ahımdan, muradım şəmi yanmazmı?
Yar... Yar... Aman... Yar, ax, ay aman, dad aman, ey

Yenə payız gəldi qonaqlar kimi
Soldu məhəbbətim yarpaqlar kimi
Yenə payız gəldi qonaqlar kimi
Soldu məhəbbətim yarpaqlar kimi
Ürək pıçıldayır

Ürək pıçıldayır dodaqlar kimi
Dodaqlar kimi

Külək, niyə belə əsirsən, külək?
Niyə ümidimi kəsirsən, külək?
Külək, niyə belə əsirsən, külək?
Niyə ümidimi kəsirsən, külək?

Sevgilim görüşə çağırmış məni
Mən necə unudum olub-keçəni?
Sevgilim görüşə çağırmış məni
Mən necə unudum olub-keçəni?
O deyir astaca
O deyir astaca, sevirəm səni
Sevirəm səni

Sən niyə sözünü kəsirsən, külək?
Külək, niyə belə əsirsən, külək?
Sən niyə sözünü kəsirsən, külək?
Külək, niyə belə əsirsən, külək?
Külək, niyə belə əsirsən, külək?
Niyə ümidimi kəsirsən, külək, ay balam?
Külək, niyə belə əsirsən, külək?
Niyə ümidimi kəsirsən, külək?
Ay aman, ax, ay aman