paroles de chanson Stagoutay - Balti

الناس بأناس وأناس بالله
وقليل الناس لا تعرف قيمة الله
زتقو تيتو لقطونى أحباب اليوم غدروني
زتقو تيتو لقطونى اصحاب اليوم نكروني
يا رجال ميجيش الراجل موش بمالو
الرجلة بيها نعيش كل واحد وعمالو
زتقو تيتو لقطونى أحباب اليوم غدروني
زتقو تيتو لقطونى اصحاب اليوم نكروني

رخصت الناس غلات الفارينا
غزرنا لريوسكم ما غزرتو لساڤينا
ما تحبّوش الراجل تحبّو الطحينة
كان الأميمة على فراقها بكينا
غريبة، الدنيا عجيبة
تحبّو الكفوف تحبّو تحليبة
لا حنّ و لا روف و لا ڤلب و لا طيبة
دنيتنا غابة بين ذيب و ذيبة
ڤداش من صاحب ضبع
ڤداش من أنثى دينها طمّع
يحبّو الفلوس يحبّو اللي لمع
يحبوك رڤيڤس كي خاتم في صبع
نزيد نعرف صاحب نزيد نحب كلبي
نمشي بالنيّة ناكلها في ڤلبي
يا ڤلبي ، و علاش حزين
ما تڤدّر الغدارين

الناس بأناس وأناس بالله
وقليل الناس لا تعرف قيمة الله
زتقو تيتو لقطونى أحباب اليوم غدروني
زتقو تيتو لقطونى اصحاب اليوم نكروني
كم الشاب وكماش كمش وشد بلاصة
اليوم انا منفديهاش نضرب روحي برصاصة
زتقو تيتو لقطونى أحباب اليوم غدروني
زتقو تيتو لقطونى اصحاب اليوم نكروني

ستاغوتاي لڤطوني جيبو شراب و سكْروني
سميتهم أصحاب عملولي دوري
ضحكو في وجهي و في ظهري غدروني
أصحاب العلّة ، أصحاب الدجلّة
ياكلو في الغلّة و يسبّو في الملّة
رجال و الراجل لا يڤلّا
ريوسنا الفوڤ و ما نطيقو المذلّة
ولد باب الله كل يوم و يومو
زوالي فحل راجل غالي سومو
عقاب و غربان يحومو
غدرو بالصيد و هو في نومو
وينهم الأحباب كي ليوم طاحت بيك
ما دڤّو بابك ما ملاولك يديك
وينهم اللي ڤلبك علاهم حنّ
كلاولك عشاك و بزڤولك في صحن

زتقو تيتو لقطونى أحباب اليوم غدروني
زتقو تيتو لقطونى اصحاب اليوم نكروني
اخطونى نحب نعيش مبقالى معاكم والو
قرعة من الخمور الله يرحم الى ماتوا
زتقو تيتو لقطونى أحباب اليوم غدروني
زتقو تيتو لقطونى اصحاب اليوم نكروني