paroles de chanson Chnia Dhanbi (feat. Cheb Salim) - Balti feat. Cheb Salim

كيف كنا صغار انا وياك ما تفارقناش
قلنا حتى الموت اذا حضر ما يفرقناش
كنا اكثر طفلة و طفل مع بعضهم فرحانين
كنا كي تقصف الورود نلقاك انتي صدر حنين
اما اليوم هانا كبرنا و تبدلنا مع الأيام
و الي وعدنا بيه بعضنا كان أحلام كان كلام
كان حكايات ولاد صغار حبو بعضهم في الصغرة
اما اليوم كيف الوقت صعب ولات حكاية أخرى
ما عاش تمشي بالقلب اليوم المخ هو الي يفكر
قتلي راضية بيك كيف ما انتي هذا كان تتفكر
قتلي نرضى نعيش انا وياك حتى في بيت
و قتلي نحبك و انتي حي و نصونك و انت ميت
اما هذا لكلو كلام تبدل كيف الإنسان كبر
دنيا و ظروف ربحونا و القلب هو الي خسر
بوك و أمك حبوك لغيري
و أنا نحبك ليا أنا
حبوك تمشي لراجل آخر خاطر جيوبو مليانة
حبو les apparences شنيا كسب و شنيا بنى
فيبالهم الي انتي غدوة باش تعيش معاه في هناء
حبوك تعيش مع راجل عندو ال matériel
اما انا الي حبيتك و تمنيتك في الحلال ...
في هذه الدنيا مرة عليك و مرة عليا
شنيا ذنبي ...
و للي و الله لي ناويين عليك يانا داروها بيا
شنيا ذنبي ...
حبيت نبني انا وياك الي حلمنا بيه صغار
الكرهبة و الدار برشا هناء و برشة صغار
شنيا ذنبي اذا ما وصلتش للي نحب عليه
عمري ما تصورت راجل آخر ياخذك بين إيديه
المظاهر و الفلوس ليوم فساد القلوب
شراك الي فلوسو في المكتوب و الي حبك موش محسوب
و ان شاء الله الراجل الي جاك يوصل يحبك قدي
هو اليوم فرحان و انا اليوم دموعي على خدي
نعرف ماكش فرحانة نعرف الي مالقهرة بكيت
رضيت امك و بوك موش بالراجل الي تمنيت
أنا جريت و جريت و حبيتك تكون ليا
نبنيلك في الجنة قصر هذا لو كان جا بإيديا
كي مشيت لداركم قاسوني هزوني حطوني
حكيت معاهم بالموجود حقروني و الصغر صغروني
قلتلهم مازلنا صغار نبني حياتي أنا وياها
إذا الدنيا اليوم flou غدوة الدنيا تولي محلاها
خذاوني على قد حالي خرجت طلبي مرفوض
من زهري ما كتبتليش و الي كتبتلو محضوض
الدنيا بجنبو في تصاور عرسو إنتي بجنبو
بجنبي دبوسة و كاس و الي حبك شنيا ذنبو ...
و علاش عليك رضيتي بالmal و ما رضيتيش بيا
شنيا ذنبي ...
الدنيا لعبتها بيك و لعبتها بيا
شنيا ذنبي ...
ما نحبش نظلمك و نقلك انتي لي خترت
اما أنا لي تظلمت أنا خسرت و إنتي خسرت
الظروف .هي الي فرقتنا على بعضنا
المكتوب فرض علينا. موش أحنا لي فرضنا
و اليوم كل واحد فينا ماشي في حالو.
قعدتلو غصة في قلبو ما عملش الي يحلالو .
و إنتي ليوم نتمنى ربي يهنيك مع غيري
و إذا جبت معاه ولد غدوة نحبو كيما صغيري
غدوة نحبك كي تتذكرني تقول عرفت إنسان .
كان معايا راجل أما خسارة الزمان خوان .
كنت كيما . راجلك . صاحبك و خوك .
لعبت الrôle متع الناس الكل الي حبوك
أما خسارة ذراعي خانني . هذا زهري شعطاني
كنت أقرب الناس ليك . اما اليوم وليت براني .
علاش ... على خاطر أحوالي على قد الحال .
بوك و أمك باعوك للي عندو الmatériel ...
و علاش عليك رضيتي بالmal و ما رضيتيش بيا
شنيا ذنبي ...
الدنيا لعبتها بيك و لعبتها بيا
شنيا ذنبي ...
صغري كان مبني عليك و انتي تبعتي القويين عليا
شنيا ذنبي ...
تعرفي باللي أنا نبغيك enfin الدنيا ما عبات بيا
شنيا ذنبي ...
هاذي هي BALTI مرة عليك و مرة عليا
مرة عليك و مرة عليا
حبي كمان perdu نشوفو راح بين عينيا...