paroles de chanson Galouli Ma Tji - Balti , Zina Gasrinia

ياه (ياه، ياه)
قالولي ما تجي
أنا أني أنا، أني نا نايا
بلطي زينة القصرينيّة، أرّاح أسمع الغنايا

ياو قالولي روّح (قالولي ما تجي)
ياو قالولي روّح (قالولي ما تجي)
برّاني قعدت ملوّح (قالولي ما تجي)
ياو قالولي روّح (قالولي ما تجي)
قلتلهم هاني جاي (قالولي ما تجي)
عمّر برّاد التّاي (قالولي ما تجي)
ياو في بلادي نكروني (قالولي ما تجي)
ياو عملوا معايا الدّوني (قالولي ما تجي)

قالولي برّاني قالوا ماكش من هوني
برّاني في بلادي عملوا معايا الدّوني
نواسي في محوني تقول نعيش في غربة
واللي سايس هوني يحبّوا تونس خربة

قالوا مانا جهة قالولي إنت منين
قالوا إنت يسار وقالوا إنت يمين
قالولي مالكفّار إنت وإلاّ مالمسلمين
قلتلهم وراء الإمام الكلّنا نقولوا أمين

قلتلهم أنا تونسي مالحومة يا حومة
معنقر كبّوسي ومعلّق المشمومة
بابا مالشّمال ولمّيمة مالجنوب
مولود في الوسط وبيناتهم محبوب

والجهاويّات إنتوما اللي صنعتوها
القلوب سرقتوها قسّمتوها وسّختوها
علبالي كان بالخبزة ما علبالي بألقاب
قلتو هذا مالأبعاد وقلتوا هذا مالقراب

نحبّ زغاريد في عرسي ووقفة عالوليّ
وتجي لمّالي من بوسالم ومن قبلّي
ياو قالولي روّح قالولي ما تجي
قلتلهم أني نايا نا وأنا وأني

ياو قالولي روّح (قالولي ما تجي)
ياو قالولي روّح (قالولي ما تجي)
برّاني قعدت ملوّح (قالولي ما تجي)
ياو قالولي روّح (قالولي ما تجي)
قلتلهم هاني جاي (قالولي ما تجي)
عمّر برّاد التّاي (قالولي ما تجي)
ياو في بلادي نكروني (قالولي ما تجي)
ياو عملوا معايا الدّوني (قالولي ما تجي)

قالولي إنت منّا قالولي وإلّا من غادي
قلتلهم على روحي لاني منّا لا من غادي
قلتلهم هاذي بلادي وين يطيح اللّيل نبات
وإلّا تحبّوها فيزا اليوم بين الجهات

تحبّوا دوانة بين أخوات تحب تفرّقهم
الرّايس إلّي شاد السّفينة يحب يغرّقهم
ويشرّقهم ويغرّبهم ويزرع الخوف
قالولي الشّمس كي تقابل القمرة يولّي كسوف

قلتلهم هاذي أرضي وأنا فيها جالي
أنا ولد الأرض والقمرة والشّمس إمّالي
جيتو فتنتا زرعتوا فتن
وإلّي يدخل بين الظفر واللّحم يخلّف النّتن

أنا ولد الوطن وإنتوما رسمتوا الحدود
وإلّي فرّق العريبة قرّاته اليهود
يحبّوا يبعّدونا ما يحبّوش يقرّبوا
يحبّوا يحرّبوا يظرّبوا يخرّبوا

تونس ماهيش برلين تحبّوا تعلّيو حيوط
عشر ملاين تونسي مانا عشر ملاين حوت
أنا أني أنا أني نا نايا
بلطي زينة القصرينيّة أرّاح أسمع الغناية

ياو قالولي روّح (قالولي ما تجي)
ياو قالولي روّح (قالولي ما تجي)
برّاني قعدت ملوّح (قالولي ما تجي)
ياو قالولي روّح (قالولي ما تجي)
قلتلهم هاني جاي (قالولي ما تجي)
عمّر برّاد التّاي (قالولي ما تجي)
ياو في بلادي نكروني (قالولي ما تجي)
ياو عملوا معايا الدّوني (قالولي ما تجي)

قلتلهم مالشّمال (قالولي ما تجي)
قلتلهم مالوسط أنا (قالولي ما تجي)
قلتلهم مالجنوب (قالولي ما تجي)
ياو قالولي روّح (قالولي ما تجي)

جندوبي باجي كافي (قالولي ما تجي)
بوزيدي قصريني قفصي (قالولي ما تجي)
مستيري مهداوي ساحلي (قالولي ما تجي)
ياو قالولي روّح (قالولي ما تجي)

قلتلهم بنزرتي نابلي (قالولي ما تجي)
جلاصي قروي عيّاري (قالولي ما تجي)
مدنيني جربي عكّاري (قالولي ما تجي)
ياو قالولي روّح (قالولي ما تجي)

قبلّاوي دوزي توزري (قالولي ما تجي)
شابّي جبنياني صفاقسي (قالولي ما تجي)
مطماطي حامّي قابسي (قالولي ما تجي)
ياو قالولي روّح (قالولي ما تجي)

راني تونسي (قالولي ما تجي)
راني تونسي (قالولي ما تجي)
(قالولي ما تجي)
قالولي ما تجي (قالولي ما تجي)
قالولي ما تجي (قالولي ما تجي)
قالولي ما تجي (قالولي ما تجي)

(قالولي ما تجي)
(قالولي ما تجي)
(قالولي ما تجي)
(قالولي ما تجي)
(قالولي ما تجي)
(قالولي ما تجي)