paroles de chanson Grips - Baze

Da nütze ke gschidi büecher si hei ke
Grips grips grips grips
Gang füeuse di biudigslücke ohni mi
Mi mi mi
Mache uf häull u clever i gseh
Nix nix wit u breit nix
Gross wöue gäud ga scheffle, wie ohni grips
Grips grips grips psschchchchch

Si chöme meischtens ir gruppe
Ei dj paar deppe mit ruckseck
Chäppli schreg, hose am arsch
ärnscht wi hert, pose sou wow
Marschiere i club, träie grad eine
Markiere dr cool bim miks abgschegge
One, twoscho gli chunnt ihri erschti platte
Für d homies, bitches, kidz ufde strasse, fett
Ihri jungs mache paar featurs
D schwe vom eim wono hook darf singe
När geiht post, si in aller munde
Erscht gig ufem dorfplatz, vor es paar dutzend
Plötzlech dissesi d klass
Verdecke no schnäu ihri shirts miter chatz
Wie erwachse si, heisech emanzipiert,
Schreie luutume, doch kei arsch intressierts

Eue rap isch nix nix
Euch fäuts a grips grips grips
Dür eui rächnig gits strich strich strich
Wär zieht d leine im rapgame, b a z ey
Grips grips grips grips grips
Euch fäuts a grips grips grips
Gibnech gärn ä tipp mit
Chöit schreie wi lärme s gitt nix nix

När schlüpfe si us aune löcher
Wird ändlech würklech, wovome jahre tröimt hett
Rede vo erfouug u fame, wäg paar verchoufte tapes
Im kollegekreis
Z label wott zahle e clip wird's bringe
Mau öppis neus, sone beat mit pitchte stimme
Scheiss fürd fans dräiht mit handycam
So wid klass irgendwo ir umgäbig vo bärn
När ab uf züri iz vivastudio
Wi so zgfüeusig blitzartig usezcho
Was si dgnau meine i gwüsse ziile
öb aus wosi verzeue de o würklech passiert sig
Lueg zue wi schnäus nä i gring stigt
Doch übermuet verdrängtne s hirni
Immer meh gigs, immer meh chicks
U scho lösesich uf wäg internem strit
Egau eue rap isch sowiso nix nix
Euch fäuts a grips grips grips
Dür eui rächnig gits strich strich strich
Wär hett leine am rapgame, b a z ey
Grips grips grips grips grips
Euch fäuts a grips grips grips
Gibnech gärn ä tipp mit
Chöit schreie wi lärme s gitt nix nix