paroles de chanson Imiliasyon - Beken

Mwen son atis
Kap mache preche laverite
Men yo pa janm konprann mwen Angis sa menm, yo pran mwen
Yo voye 'm jete nan yon kwen
M pa konn lè solèy leve, ni lè solèy kouche,
Se lè m'a va mouri, Ya va konprann Beken

Gade mwen se malere, m'ap chèche lavi mwen
Vye manman'm fin gran moun, li pap mize pou lontan
M'a va priye Bondye pou'l ka pwoteje mwen
Pou lè manman'm do, pou m pa pase mizè

Gade yo fin jete'm nan fenèt yo klase mwen kòm vagabon
Non non non, woy non non non
Se la vi a ki mande sa
Ayayay
Yo jete'm nan fenèt yo klase mwen kòm vagabon
Non non non, woy non non non
Se la vi a ki mande sa

Mwen di mache chèche, pa janm dòmi san soupe
Pwason fè dlo konfyans se dlo ki kwit pwason
Chen gen anpil mèt toujou dòmi san soupe
Kabrit anpil gadò mouri nan solèy
Ayayay mezanmi'm yo ann pran kouraj nan lavi sa

Enspirasyon

Mwen di si nou wè'm chita la gen yon jou m'a bay do,
Tankou Roger Colas, General Ti Manno,
Marie Charles, Tiparis, General Ti Roro
Se lè yo te mouri, yo prete defen an moso valè

Yo fin jete'm nan fenèt yo klase mwen kòm vagabon
Non non non, woy non non non
Se lè m'a va mouri y'a va konnen valè m

Mezanmi jete'm nan fenèt yo klase mwen kòm vagabon
Non non non, woy non non non
Se la vi a ki mande sa

Enspirasyon

Mezanmi jete'm nan fenèt yo klase mwen kòm vagabon
Non non non, woy non non non
Se la vi a ki mande sa