paroles de chanson Caracter vs Grana - BigZ Patronato

Alguem ta mata kelotu pa podi xinti ator
120 na um anu nha povu txora di dor
Dinhero ladu petu squerdu e na bolso e amor
Socu na rostu torna moda minis ka cre mas flor
Kel feia dja torna linda dinhero sa pul ta brilha
E xinti txeru grana e da pa virgen mo Maria
Fladu ma kou sta mou perna fase milagre
Visto na passaporte passeio ti txiga Algarve
Putus 18 anu ma corpo sa xeiu massa
Cotas kre sangui novu madrugada lion ta cassa
Djam odja traisson di irma na mesmu casa
Goci e pa rendimentu ka importa catxor di rassa
Morri torna mas facil e vivi mas complicadu
Ti pa ricu sa dificil imagina pa nos coitadu
Kel homi na politica fla "sem djobi pa ladu"
Bolso e so pa ricu i di pobri e kes di mercadu
Goci e pa kel dona cre e pensa man squeci del
É bem ku kel storia di kel bandeja pastel
Nta termina Liceu bu cre pam bendi pastel
É ca pamodi preconceito nka tem vocassom pa el

Pamodi ki carater ta bali menus ki grana
Pamodi ki kel perna ta abri pamodi fama
Pamodi ki nu sa anda na becu em vez di strada
Pamodi ki sem dinhero nes mundo bo e ka nada

Pamodi ki carater ta bali menus ki grana
Pamodi ki kel perna ta abri pamodi fama
Pamodi ki nu sa anda na becu em vez di strada
Pamodi ki sem dinhero nes mundo bo e ka nada

É suposto nu djuda
É supostu nu cuida
É suposto nu ama
Pa carater i nou grana
É suposto nu uni
É suposto nu perdua
É suposto nu assumi i currigi kel erru

Kes ki oji teni prediu antis era padero
Fladu ma lanxa vua mas nka odja nun dinheru
Bu cre rikissi nes terra nha manu ser diputadu
Longi fomi ku guerra inda bu tem kel salariu
Mundo materialista ta vivi pa ilusson
Amizade torna forte o ki ta ingloba $ifron
Manu txoman di manu ma manu e ka nha irmon
Surriso boka sabi mo vinhu di Manecon
Mintira tem perna curta verdade tambe ta magua
Tem kusas ku descubri ki fazeu pinga kel lagua
Keli é vida nha manu ka bu ingana
É fla me pa amor mas perna abri pa grana

Pamodi ki carater ta bali menus ki grana
Pamodi ki kel perna ta abri pamodi fama
Pamodi ki nu sa anda na becu em vez di strada
Pamodi ki sem dinhero nes mundo bo e ka nada

Pamodi ki carater ta bali menus ki grana
Pamodi ki kel perna ta abri pamodi fama
Pamodi ki nu sa anda na becu em vez di strada
Pamodi ki sem dinhero nes mundo bo e ka nada