paroles de chanson Unser Bäumche - Bläck Fööss

Hellichovend kom eran, dä Papp, dä wor op Jöck
De Mamm hatt övverall jesook un saht:,, Wo es dä Jeck?!"
Do feel ehr en, hä moht jo noch e Bäumche kaufe jonn
Op Hellichovend, typisch Schäng! Wä wollt sollt dat verstonn!
Et woodten Vier, et woodten Fünf, de Dämmrung trok ald op,
Do kom jet Kleines, kromm un scheef, die Stroß zum Huus erop.
Lch hatt in dann als eetz erkannt un reef:"et Bäumche kütt!"
De Mamm, die saht, als sie et soch:,, Mein Jott dat jitt et nit!"

Unser Bäumche, oh Tannenbaum Unser Bäumche, dat wor ne Draum
Unser Bäumche verjess ich nie...
Nä, su ne schöne Baum, dä krijje mer niemols mih!

Dä Papp, dä wor janz stolz un saht:,, Es dä nit wunderschön?!"
De Mamm, die wor am laache:,, Jo, winnigstens es' he jrön...!"
Dot Bäumche wor noch nit ens huh, doför unheimlich krumm,
De Mamm, die saht:,, Dat scheefe Ding, dat kriss Do nit zom Stonn!"
Der Papp, janz drüch:,, No waat ens av, hä es jo noch janz rüh!
Wann do eetz alles dran es, erkenns De dä nit mih"
Dot Bäumche links, en Fläsch Schabau rääts unger'm Ärm jeklemmp,
Dot wor et Letzte, wat ich sohch, als hä en't Zemmer jingk... Unser Bäumche
Unser Bäumche, oh Tannenbaum Unser Bäumche, dat wor ne Draum
Unser Bäumche verjess ich nie...
Nä, su ne schöne Baum, dä krijje mer niemols mih!

Unser Bäumche, oh Tannenbaum Unser Bäumche, dat wor ne Draum
Unser Bäumche verjess ich nie...
Nä, su ne schöne Baum, dä krijje mer niemols mih!

Die Dör, die schloss hä immer av et darf im keiner' ren,
Denn keiner sollt dat Wunder, dat do passeerte, sinn!
Zoeets wor hö am säge - dä Baum wor doch su klein ...!
Dann hoht mer'n plötzlich nääle, ich daach, dä Baum jingk en!
En Zick lang wor et dann janz stell, kei Töönche us döm Raum,
Op eimol hoht mer'n singe, janz laut:,, Oh Tannenbaum!"
Lch jläuv, jetz dejt hä'n schmöcke, met Jlöckcher un esu -,,
Es ist ein Ros entsprungen..." kom falsch un vill zo huh.Unser Bäumche

Unser Bäumche, oh Tannenbaum Unser Bäumche, dat wor ne Draum
Unser Bäumche verjess ich nie...
Nä, su ne schöne Baum, dä krijje mer niemols mih!

Op eimol jov et dann 'ne Knall, jetz woodt et furchbor stell...,
Zo Bethlehem jeboren..." kom leis met vill Jeföhl.
Noh zwei Stund kom hä endlich 'rus, et Schlemmste wor jedon,
Ich lohrt in ahn, hö saht och jet - ich kunnt in nit verstonn!
Öm aach Uhr wor Bescherung, der Papp, wie immer, fit,
En singem beste Anzoch, de Mamm em schwatze Kleid.
Hö dät mem Jlöckche lügge, dann sunge mer e Leed
Un sohchen dann dat Bäumche, met Kääze en der Eck. Unser Bäumche

Unser Bäumche, oh Tannenbaum Unser Bäumche, dat wor ne Draum
Unser Bäumche verjess ich nie...
Nä, su ne schöne Baum, dä krijje mer niemols mih!

Et wor noch kleiner als vürher, doch wirklich wunderschön,
Stundt käzejrad un nit mih kromm ein Wunder war jeschehn!
Lch hatt e Rädche kräje, minge allerjrößte Draum,
Dann jov et Ovendesse, unger däm schöne Baum.
Wat ich dann esu vill späder vun im erfahre han,
Vum Papp, dä hück nit mih met uns Chressfess fiere kann:
Dat, wat ich för e Wunder heelt, wor'n zwei Nääl en der Wand,
Vun do en Kood rund öm dä Baum dröm hatt hö feste Stond! Unser Bäumche

Unser Bäumche, oh Tannenbaum Unser Bäumche, dat wor ne Draum
Unser Bäumche verjess ich nie...
Nä, su ne schöne Baum, dä krijje mer niemols mih!