paroles de chanson Owm Wselna 2 - Bu Kolthoum

ليك اللي بيقلك أنه حاسس فيك كاذب
صور حارتي بالابيض والاسود وانا مغادر
برا البلد الناس عوضع البلد حتواسيك
صدقني مشتاق لاصوات القصف بتدفي
بغرفة عميا بكتب اسمها عالحيطان
مالص فيش التلفزيون لما اسمع عنها بالاخبار
استسلامي للواقع فتنة، بيتي عبوابو جنة
اصعب على [؟] ستة ولا واحد منون انت
بطفي ضو عيوني هنيك الموت حياة
ارواحنا عبواب البرزخ تتأمل السما
يوم البعث حنكون ملائكة عذاب
بتردد ننصب لآل سعود خيم لجوء عبواب الجنة
عامل حيط بيني وبيني قبل وبعد الصدمة
بيطلع فيي عمراية بيسالني مين انته؟؟
انا دمشق عفوا انا منير
في جوايي طفل صغير كل ما يغفى

واغفى عالقاعد ببقى عكرسي بتكسي
وامي جنبي بتطبطب عكتفي تقلي
قوم وصلنا... بفتح عيوني
ضم شارعنا لصدري
حس حيطانو عخدودي
كل ما اغفى عالقاعد ببقى عكرسي بتكسي
وامي جنبي بتطبطب عكتفي تقلي امي
قوم وصلنا... بفتح عيوني
ضم شارعنا لصدري

حس حيطانو عخدودي

تعبت شتقت لريحة البيت
هون المي بقناني شتقت بربيش تواليت
عم يحكو عليي لاني مربي شواربي
معلق عالحيط صورة امي وشنتايتي
عم شوفن بالأخبار لسا الدم للركب
امي قولي لولادك هالارض لا تفلتا
مشتقلك لعب الولاد والغبرة
السما بتواسيني مو منتشارك السما نفسها
زعلانة مني؟! مشتاق لترابها ارضي انثى
حاسس بنقص رجولتي عفراقها اخي انسى
لما تعيش من رغيف الغريب بتقسى
من يومها ماشفت من الدنية غير بؤسها
عذريني خطي مفشكل اسمو شايف الورقة من دموعي

عم بتخيل حالي بالتكسي وانت لسا عالبلكونة

ناطرة رجوعي عم لوح والرمل بعيوني
قولتك هاليوم جاية؟ رح اغفى لان

كل ما اغفى عالقاعد ببقى عكرسي بتكسي
وامي جنبي بتطبطب عكتفي تقلي
قوم وصلنا... بفتح عيوني
ضم شارعنا لصدري
حس حيطانو عخدودي
كل ما بغفى عالقاعد ببقى عكرسي بتكسي
وامي جنبي بتطبطب عكتفي تقلي
قوم وصلنا... بفتح عيوني
ضم شارعنا لصدري
حس حيطانو عخدودي