paroles de chanson ElKeef - Cairokee

يخربيتك يا كيف ويخربيت معرفتك
صحيح دمك خفيف بس ياريتني ما عرفتك
في الاول كنت تمام بتدوس على الأحزان
دلوقتي انا هربان من نفسي والأيام
يخربيتك يا كيف عشمتني وفلقت
عايش في الدنيا ضيف وماليش فيها حد
في واحد ابن حرام قاعد جوا نفوخي
واحد كله اجرام اه منه اه يا خوفي
وسيجاره جابت جوان وجوان جاب حبايه حبايه جابت شريط وانتهت الحكايه
وسيجاره جابت جوان وجوان جاب حبايه حبايه جابت شريط وانتهت الحكايه
من يومها وانا انا مش انا
الناس راحت هناك وانا مرمى هنا
يخربيتك يا كيف يا معيشني في مذله
في بعدك مش عارف أعيش ولا عارف اتهني
نايم في سابع نومه وداخل في كومه
خلصانه ومش باينلي قومه
يخربيتك يا كيف ويخربيت أيامك
ياريتني سمعت الناس ماسمعتش كلامك
أجبر بخاطري يا زمن واديني لمسه حنان
وافردلي ضهري اللي اتقطم رجعني زي زمان
وسيجاره جابت جوان وجوان جاب حبايه حبايه جابت شريط وانتهت الحكايه
وسيجاره جابت جوان وجوان جاب حبايه حبايه جابت شريط وانتهت الحكايه
من يومها وانا انا مش انا
الناس راحت هناك وانا مرمى هنا
وسيجاره جابت جوان وجوان جاب حبايه حبايه جابت شريط وانتهت الحكايه
وسيجاره جابت جوان وجوان جاب حبايه حبايه جابت شريط وانتهت الحكايه