paroles de chanson Früehligslied - Christiane Mathe

D′Sunne isch ussem Fäderbett cho, sprängt uff d' Näbelwand
En′ blaue Himmel tuet e gli durreglitzere, d' Wält schlüpft is Früehligsg'wand
De Basil öffnet Fenschter und Türe, sugt i die würzigi Luft
De Früehlig tuet ihn sanft umschmeichle mit siinem süesse Duft

De Früehlig hätt′ de Winter vertriibe, ma brucht nüm en warme Schal
Au Kappe und Mantel cha mä abziehe, denn Wärmi giit′s überall

D' erschte Blueme brächet ussem Bode, d′Bienli flüget scho glii
I bunte Farbe strahlet Schmetterling, de graui Winter isch verbii
De Basil grüesst d' Sunnestrahle, sie streichlet siis G′sicht
Er wott de Früehlig gern umarme, voll Glück und Zueversicht

Ja de Früehlig hätt' de Winter vertriibe, g′schmolze isch de Schnee
D'Bäum' und Blueme triebet Chnoschpe, d′Chälte isch adé

D′Vögel singet ihri Lieder, so herrlich tönt's Konzert
Sie bauet ihri Näschter zum Brüete, wie sie′s de Früehlig g'lehrt
De Basil losset mit Vergnüege, vo Bäum und Büsch tönts abbe
De Duft, d′Wärmi, s'Vogelgezwitscher, de Fruehlig bringt neues Labbe

Ja de Früehlig hätt′ de Winter vertriibe, die Wält taucht is zarte Grüen
Verwachet sind d' Läbensgeischter, mit neuer Kraft erglühen