paroles de chanson Wohnmobil - Dän Zeltner

I la nes Füfi gärn mal la grad si
Verzichte öppe mal uf mis Rächt
Verschänke gärn mal mis Ersparte
U cha säge: Mir geit′s nid schlächt
I la mi Vorsprung gärn la schwinde
La ne andre derfür la gwinne
Gibe hie und da mal Forfait
U cha sage: 's isch guet ä so

Ou we sich mini Wält nid um mi dräit
Chani stolz behoupte: Mir geit′s guet
Ou weni hie und da, eim der Vortritt la
Chumi necher zu mim Ziel
Necher zu mim Ziel

I choufe mir äs Wohnmobil
U wohne geng dert, wo grad d'Sunne schiint
U fröie mi dra, dass i all das ha
Woni wott bi mir ha
I choufe mir äs Wohnmobil
U choche geng denn, wenni Hunger ha
U wäsche weni muess, u schlafe wenni wott
I mim Wohnmobil

Mängisch bini halt ä Tröimer
Mängisch läbi ire andre Wält
Aber eis chani dir säge: I ha's no nie bereut
Mängisch nimi′s halt rächt easy
Lege gärn ä Pousen i
La die andere la stresse
Und ha fröid, dass i zfride bi

Ou we sich mini Wält chli langsam dräit
Chani stolz behoupte: Mir geit′s guet
Ou weni hie und da, eim dr Vortritt la
Chumi necher zu mim Ziel
Necher zu mim Ziel

I choufe mir äs Wohnmobil
U wohne geng dert, wo grad d'Sunne schiint
U fröie mi dra, dass i all das ha
Woni wott bi mir ha
I choufe mir äs Wohnmobil
U choche geng denn, wenni Hunger ha
U wäsche weni muess, u schlafe wenni wott
I mim Wohnmobil

Isch bi dir ou dä Drang ir Seel
Wo dir seit: Mach′s dir nid z bequem
Setz dir di nächscht Meilestei
Mach di Troum zur Würklechkeit
Isch bi dir ou die Sehnsucht da
Wo dir seit: Fang doch ändlech a
Setz dir di nächscht Meilestei
Mach di Troum zur Würklechkeit

I choufe mir es Wohnmobil
U fahre vo Züri i d'Länzerheid
U vor Länzerheid i ds Maggiatal
U vom Maggiatal i ds Goms
U vom Goms geit′s de a Bielersee
U vo dert de wieder hei

I choufe mir äs Wohnmobil
U wohne geng dert, wo grad d'Sunne schiint
U fröie mi dra, dass i all das ha
Woni wott bi mir ha
I choufe mir äs Wohnmobil
U choche geng denn, wenni Hunger ha
U wäsche weni muess, u schlafe wenni wott
I mim Wohnmobil

Isch bi dir ou die sehnsucht da
De fang doch eifach ah