paroles de chanson Taht il Ard - El Morabba3

ما تقوليلي تحت الأرض
إلي أسبوعين واقف على الأرض
عم بحكي
وبشكي
مصافي وقوانين طاقة وعلوم
ما تطلعي فوق عالم مجنون
عم بحفر، نازلّك عم بحفر
في عالم عم تؤمن وعالم عم تكفر
وكلهم هون، بشوفهم كل يوم
إشي بيكره حاله وإشي بيكرهني
أنا بس لو سيّارة لبعيد تاخدني
طب تكسي يوقّفلي
طب ضلّك، ضل رايح
لبعيد نيّاله
أو الله يعينه على حاله
تلاقيه من كل نمرة طلعتله قرفان
تحت الأرض
خلّيكي، بركان بيتغزّل فيكي
خلّي الجذور تحميكي
بترجّى فيكي
مشكلتي أنا بحكي كتير، أنا بحكي كتير
بس بدّي أقلّك قصة أسير
ضل يحفر تا يوصل ويهرب
وبس شاف الشمس كانت عم تغرب
قال الحرية مبيوعة
والناس ما بتوعى
كل واحد سكّين بيطعن بأصله
وكل ما بخف في صوت بيندهله
بقلّه تعال
تع ننسى الأحوال
يابا ما في إحتلال
هاي هي الحرية
هذا فرد مي ودبّابة وهمية
عشان يصعب التفسير
عشان يصعب التفسير
لا، لا
تحت الأرض
خلّيكي
بركان بيتغزّل فيكي
خلّي الجذور تحميكي
بترجّى فيكي
آه خلّيكي
بركان بيتغزّل فيكي
خلّي الجذور تحميكي
بترجّى فيكي
بترجّى فيكي
بترجّى فيكي