paroles de chanson Qazi - Elvin Nasir

Çəkilin qazi gəlir,Allah razi,gəlir
Yolunda qurban kəs,ver nəzir niyazi gəlir
İtirib əlin qolun,ayağlarını ancaq ki
Düşmənə verilməyən bütöv bir ərazi gəlir

Bir gözü olmasa da,hamıdan yaxşı görür
O gözün nuru bizim torpağa nurlar saçacaq
Ayağın birin kəsiblər,o birinə mil qoyulub
Çağırsa yenə də vətən,düşmənin üstünə qaçacaq

O həmin qazidir ki şəhidlik arzusundadır
Ağlayır halına yox,dostları şəhid düşüb
Bir gecə qəfil oyanmış yuxudan ağlayıraq
Ki şəhid dostu gəlib yuxuda şəhidnən görüşüb

Çəkilin qazi gəlir,ona hər şey fədadır
Bir ovuc torpağı çəkdilər ki bir can elədi
Həyatda ən dəyərli şey ki canın sağlıdır
Bu adamlar onu bu millətə qurban elədi

Çəkilin qazi gəlir,üstündə vətən torpağı
O həmin torpağın üstündə bitən bir çiçəkdir
Sağlığını verdiyi torpağda vətən bayrağı var
Qazilər keçmişdir,bu gün ki gündür,gələcəkdir

Çəkilin qazi gəlir,yolunda çiçək səpin
Aldığı güllə yarası bu millətin ürək dağıdır
O sarğılar ki bağlanıbdır onun yaralarına
Həmin ol qanlı sarğılar qeyrət bayrağıdır

Ki bədən parçalanıb,qeyrəti sağlamdır
O həmin qazidir ki əyilməz heç vaxt vüqarı
Güllələr bizə dəysin,qoy olan bizə olsun
Yetər ki yarələnmisin belə cənnət diyarı

Çəkilin qazi gəlir,Allah razi gəlir
Yolunda qurban kəs,ver nəzir niyazi gəlir
İtirib əlin qolun,ayağlarını ancaq ki
Düşmənə verilməyən bütöv bir ərazi gəlir