paroles de chanson Sonuncu Yuxu - Elvin Nasir

Susmuş dəli könlüm yenə zülmət və qaranlıq
Salmış bədənim ruhuma lənət və qaranlıq

Mən anlamadım dünyanı heç vaxtı dərindən
Sandım ki cəhənnəmdi ya cənnət və qaranlıq

Gəlmişəm bu dünyaya sətirlərimi iz buraxım
Yazdığım şeirlərlə göz bəbəklərindən axım
Vərəqim cəlladımdı qələmim Əzrayılım
Mənə bir dəqiqə verin bu dünyaya bir də baxım

Tükənibdi taqətim, tükənib yox halim
Bir yanım 313 biri dəccal zalim
Evimdə çörək yoxsa, cibimdə qəpik yoxsa
Mənə ruhun qidasından danışma ey alim

Nədənsə çərxi fələk tərsinə dövran elədi
Əlimlə alnımı sildim ki pozulsun bu qədər
Əvvəlcə uşağlığımı fəda eylədim sonra
Bir məhəbət uğrunda cavanlığım getdi hədər

Məni sev mahnılarda amma yaxın gəlmə
O böyük günəş mənəm toxunma yandıracam
Nə qədər qələmlərlə yazmışamsa mahnı,şeir
Öldüyüm gün hamısını bircə bircə sındıracam

Elə bir nəfəs ver ki ciyərlərimi çürütməsin
O qədər sümüy atdım köpəklərə hürməsin
Onlarsa ac qalanda sümüklərimi gəmirdilər
Mənə bir dost göstər mənfəətini güdməsin
Arxamca yavaş danış qulaqlarım eşitməsin

Ucadan qışqıracam bu dünyaya baxın mənə
Sonra hər kəs baxacaq yavaşca öskürəcəm
Hər kəs diqqət ilə izləyəndə gözlərimi
Söz tapa bilməyəcəm və ürəkdən güləcəm
Ya da onlar güləcək mən hamısını öldürəcəm

Eşqin gözü kordur dedilər gözləri korlar
Baxdım ki o eşqin içi şəhvət və qaranlıq

Bir parça çörək verdi əzəldən bəri dünya
Gəldi başıma min dəfə dəhşət və qaranlıq

Çox söylədilər sev, bu həyat güllü gülüstan
Zahirdə gülüstan içi həsrət və qaranlıq

Allah yuxudan bircə ayılt sən mənə bir də
Vermə ayağımdan başa nifrət və qaranlıq