paroles de chanson Hkayat Kteer - Fayrouz

واليوم بعد ما عشت
حكايات كتير صارت بعيدة
قديش فرحت وحزنت
والنهايات مش دايماً سعيدة
صحيح إني ما حكيت
وكل اللي قلته كان بالغنية
الكلام لشو الكلام هيدي حياتي

سافرت برمت كتير
غناني غنيت بي كل المسارح
وصحيح بالأخر فليت
وصدى صوتي ساكن المطارح
وجوه الناس صارت ممحية
ذكرى وحنين كأنه إمبارح
وحب الناس اللي كانو هون لون حياتي

مرات كتير خفت وبكيت
ما قدرت فل لهيك بقيت
الندم لا شو ما بعمره فاد
القصص بتروح وما بتنعاد
قصص وأخبار، شو كانو كتار
ملو حياتي

ولا يوم قدرت عيش
حياة تاني برات الغنية
حياتي عشتها وما عشتها
تمرق قدامي كانها خبرية
إشياء كتير ما قدرت قلتا
وبقيت جواتي نايمة ومنسية
لوحدي مشيت واجهت الكل
وكفيت حياتي

أيام كتير بكيت وصليت
أنا وحالي وحدي إحتجيت
مش كل شي صار
كان دايماً بإيدي
بس رغم هيك أنا أكيدة
إني آمنت وما إستسلمت
وعشت حياتي

هيدي حياتي