paroles de chanson Woh Nahi Mera Magar - Ghulam Ali , Kavita Krishnamurthy

vo nahīñ merā magar us se mohabbat hai to hai
ye agar rasmoñ rivājoñ se baġhāvat hai to hai
dost ban kar dushmanoñ sā vo satātā hai mujhe
phir bhī us zālim pe marnā apnī fitrat hai to hai
jal gayā parvāna gar to kyā ḳhatā hai sham.a kī
raat bhar jalnā jalānā us kī qismat hai to hai
kab kahā maiñ ne ki vo mil jaa.e mujh ko maiñ use
ġhair nā ho jaa.e vo bas itnī hasrat hai to hai
duur the aur duur haiñ har dam zamīn-o-āsmāñ
dūriyoñ ke ba.ad bhī donoñ meñ qurbat hai to hai
sach ko maiñ ne sach kahā jab kah diyā to kah diyā
ab zamāne kī nazar meñ ye himāqat hai to hai