paroles de chanson Tu Apni Awaz Mein Gum - Ghulam Ali

Tū apnī āvāz meñ gum hai maiñ apnī āvāz meñ chup
Donoñ biich khaḌī hai duniyā ā.īna-e-alfāz meñ chup
Avval avval bol rahe the ḳhvāb-bharī hairānī meñ
Phir ham donoñ chale ga.e pātāl se gahre raaz meñ chup
Ḳhvāb-sarā-e-zāt meñ zinda ek to sūrat aisī hai
Jaise koī devī baiThī ho hujra-e-rāz-o-niyāz meñ chup
Ab koī chhū ke kyuuñ nahīñ aatā udhar sire kā jīvan-añg
Jānte haiñ par kyā batlā.eñ lag ga.ī kyuuñ parvāz meñ chup
Phir ye khel-tamāshā saarā kis ke liye aur kyuuñ sāhab
Jab is ke anjām meñ chup hai jab is ke āġhāz meñ chup
Nīñd-bharī āñkhoñ se chūmā diye ne sūraj ko aur phir
Jaise shaam ko ab nahīñ jalnā khīñch lī is andāz meñ chup
Ġhaib-samay ke gyaan meñ pāgal kitnī taan lagā.egā
Jitne sur haiñ saaz se bāhar us se ziyāda saaz meñ chup