paroles de chanson Irgendeinisch - Gola

Sie luegt i Spiegu, trochnet Träne ab
U dänkt: "Iz isch es de sowit.
I schwöres, we är nomau dri schlaat,
Ja de packe i mis Züg."
Si nimmt d'Schminki füre u flickt ihres Gsicht
U dänkt:"Werum ha ig im Läbe nie Glück?"
Tuusig mau g'schlage, tuusig mau vergähn,
Tuusig mau dür d'Höll u zrügg...

Aber irgendeinisch, irgendeinisch gah ig
Irgendeinisch bini wägg vo hie...
... sie seit irgendeinisch...
Aber irgendeinisch, irgendeinisch chunnt vilech nie!
Nei, irgendeinisch, irgendeinisch gah ig
Irgendeinisch bini wägg vo hie...
Aber irgendeinisch, irgendeinisch chunnt vilech nie!

Sit är cha dänke het är nume Päch,
Derbi miech är für ängeri aus,
Aber d'Mönsche si zu ihm geng schlächt,
U är gspürt ä Chlumpe im Hals...
Är nimmt d'Flasche füre spült dr Chummer abe,
U dänkt, werum ha ig nie Glück?
Tuusig bau bschisse, tuusig mau vergäh,
Tuusig mau dür d'Höll u zrüügg...

Aber irgendeinisch, irgendeinisch gah ig
Irgendeinisch bini wägg vo hie...
... er seit irgendeinisch...
Aber irgendeinisch, irgendeinisch chunnt vilech nie!
Nei, irgendeinisch, irgendeinisch gah ig
Irgendeinisch bini wägg vo hie...
Aber irgendeinisch, irgendeinisch chunnt vilech nie!