paroles de chanson Colli Iaith - Heather Jones

Colli iaith a cholli urddas
Colli awen, colli barddas
Colli coron aur cymdeithas
Ac yn eu lle cael bratiaith fas

Colli'r hen alawon persain
Colli tannau'r delyn gywrain
Colli'r corau'n diasbedain
Ac yn eu lle cael clebar brain

Colli crefydd, colli enaid
Colli ffydd yr hen wroniaid
Colli popeth glân a thelaid
Ac yn eu lle cael baw a llaid

Colli tir a cholli tyddyn
Colli Elan a Thryweryn
Colli Claerwen a Llanwddyn
A'r wlad i gyd dan ddŵr llyn

Cael yn ôl o borth marwolaeth
Gân a ffydd a brí yr heniaith
Cael yn ôl yr hen dreftadaeth
A Chymru'n dechrau ar ei hymdaith