paroles de chanson Quannu viru a tia - I Beddi

A matina nun c'è suli ca mi sconza stu duluri
E la sira nun c'è friscu ca m'astuta stu disiu
La notti nun è jornu ma lu stissu m'arrusbigghiu
La fami scumpariu e la siti si ni jiu
Quannu viru a tia strinci 'u pettu ca quaria
Quannu viru a tia sautu 'u passu nta la via
Quannu viru a tia scordu tutt'avimmaria
Quannu viru a tia mi si sbota a fantasia
Nun quagghia la ricotta
Cchiù nun fazzu li viscotta
Nun sfurnu pani bonu
Nun ti cantu e nun ti sonu
Nun cogghiu cchiù lu meli
Nun serbi pi stu mali
A gramigna nta la vigna la racina mi cummogghia
Quannu viru a tia strinci 'u pettu ca quaria
Quannu viru a tia sautu 'u passu nta la via
Quannu viru a tia scordu tutt'avimmaria
Quannu viru a tia mi si sbota a fantasia
Cu la grazia da to vuci d'intra i tia mi cunnuci
Pi la danza du to passu iu stu ballu ti lu lassu
Nun sentu mancu friddu d'amuri mi cummogghiu
Putenti comu bracia si lu suli ca m'abbrucia
Quannu viru a tia strinci 'u pettu ca quaria
Quannu viru a tia sautu 'u passu nta la via
Quannu viru a tia scordu tutt'avimmaria
Quannu viru a tia mi si sbota a fantasia
Nta sti jorna disgraziati nun mi carmunu i pruriti
Nta sti jorna biniditti ma mbriacu senza vutti
Senza vutti e senza vinu persi a testa a lu matinu
Persi anche la ragiuni e ti vidu a tutti i 'gnuni
Quannu viru a tia strinci 'u pettu ca quaria
Quannu viru a tia sautu 'u passu nta la via
Quannu viru a tia scordu tutt'avimmaria
Quannu viru a tia mi si sbota a fantasia
Mi vinni stu pitittu di vasarati lu pettu
Mi vinni stu pitittu di cunzariti lu lettu
Addivintai vastasu nta lu sonnu ju ti vasu
Cu la vucca e cu li manu ti sunassi u marranzanu
Quannu viru a tia strinci 'u pettu ca quaria