paroles de chanson Rivecu - I Muvrini

Rivecu li to ochji
Di mare tralucente
È di risa sincera
À mezu à la to ghjente

U sole s'hè ciuttatu
Ch'hè un pezzu ad avà
Ma s'hè vivu lu fiatu
È ti sentu parlà
Ma s'hè vivu lu fiatu
È ti rivecu o Bà

Rivecu di e to mani
A gesta misurata
À u bancu di legnu
Ogni volta assestata

Rivecu le to labbre
Attacchendu lu cantu
Di iss'alta puesia
Chì ti piacia tantu

U sole s'hè ciuttatu
Ch'hè un pezzu ad avà
Ma s'hè vivu lu fiatu
È ti sentu parlà
Ma s'hè vivu lu fiatu
È ti rivecu o Bà ...