paroles de chanson Sehr bescheiden - Josef Hader

Immer nach diesen erfolgreichen Vorstellungen, wenn dann langsam das Kreischen der Teenager verebbt und nur mehr diese bewusstlosen minderjährigen Mädchen vereinzelt im Saal herumliegen, immer dann kommen diese Sympathieträger in pastellfarbenen Sakkos und sogen zu mir: Du Josef, i derf doch du sogen i bin nämlich Einkaufsleiter bei IKEA. Du Sven, ahh Josef. Wie host du des gschofft dass du trotz dieser großen Erfolge so normal und bescheiden bliebn bist. Dass'd die noch wie vor von jeder blöden präpotenten Oaschgeign mit du anreden losst, super du.
Nun i möchte dazu sagen tatsächlich is es so, dass ich trotz dieser gigantischen Erfolge eigentlich relativ normal geblieben bin. Bin persönlich irrsinnig froh darüber, dass ich mir diese Natürlichkeit habe bewahren können - bewahren habe können - is glaub i nu natürlicher.
Oiso, i bin wirklich vollkommen normal - bliebn. Na ja vielleicht bis auf an Punkt: I brauch ma die Schuach jetzt nimma söba putzn. Die Fans küssen immer den Dreck weg. Und dann gibt's vielleicht an Punkt nu, wo i a bissl aundas bin wie, ähm, die Masse. I brauch den Applaus als Künstler wies Brot. Wirklich i brauch den Applaus. I brauchn net imma. Jetzt hätt in net braucht. Aberm dort wo in wü, dort brauch ich wirklich Applaus und es kann net genug sein. Des wor imma schon so. I hob scho in da Schui extra scho schlechte Noten gschrieben, nur damits daham die Händ zaumschlogn. Hob imma Bravo glesn nochher, nur wengam Titel. Und scho mit zwa Jahr hob i mi in da Kuchl imma verbeigt, wann die Mama Schnitzl klopft hot.
Mit da Zeit hob i mi zu an echten Applaus-Genießer entwickelt. I fohr durchaus hunderte Kilometer um an gaunz bestimmten Applaus zu hören. Mir persönlich am liebsten is dieser wunderbare südfranzösische Applaus, in der Gegend um Avion. Der so ganz deftig anschwillt, und dann so an leichten feinen Ausklang hot - mit so bissl an Pfirsichton. I man i bin kein Purist. Hier und do Audimax Wien worum nicht. Passt guat zu an einfochn Essen. Aber im großen und ganzen mog i doch mehr diese milderen ruhigeren Jahrgänge. So ein abgeklärter Seniorenapplaus fein durchsetzt mit herabfallenden Krücken.