paroles de chanson Saurus - LCone

De chlini dino Joshua hed ganz en churze hals,
Und ihn macht das so truurig, will dass allne gar ned gfallt
Am morge ufem pauseplatz isch er immer versteckt
Kaputze über stirne so das ihn niemer entdeckt
Sie lachet und sie rüefed "lueg mal de, lueg mal wäh"
Und er seid denn "hey höred uf, mier isch das unagnehm"
Er stiigt ganz schnell ufs trottinett
Wett eifach hei is dino bett
Sii wie alli andere, isch alles was er wett, ooh

Saurus, chliine saurus
Lah sie rede dino, du bisch ned elei
Saurus, chliine saurus
D'welt isch grösser als du denksch
Chum zrugg uf d'bei

Saurus
Chum zrug uf dini bei

Saurus

Am nöchste morge wacht er uf
Und wott nümm zrugg i d'klass
Mit dene fiese hänsli dinos macht das halt kei spass
Er hirnet und er überleid, es raubt ihm fast de schnuuf
Wie söll er das da mache, da gaht ihm es liechtli uf
Er seid, "mami ich bin chrank",
Sie seid, "isch doch gar ned wohr"
Er seid die sind so fies und plaget mich scho s'ganze jahr
Nie meh seid er gäng er zrugg, zu diesne zrugg i d'schuel
Da seid d'mama dino joshua jetzt los mer zue

Saurus, chliine saurus
Lah sie rede dino, du bisch ned elei
Saurus, chliine saurus
D'welt isch grösser als du denksch
Chum zrugg uf d'bei

Saurus
Chum zrugg uf dini Bei

Saurus

De chliini dino Joshua
Au de wird einisch gross
Au er wird einisch gmerke s'lebe isch ned nur famos
Die andere wend ihn abezieh
Das isch ned immer lieb
De dino wird sin weg no gah und singt dezue das lied

Saurus, chliine saurus
Lah sie rede dino, du bisch ned elei
Saurus, chliine saurus
D'welt isch grösser als du denksch
Chum zrugg uf d'bei

Saurus

Saurus