paroles de chanson Balewala - LOONIE

Sa mundong mapanghusga, mapangmata, at mapanuri
Dapat hindi ka basta-basta nagpapaapekto sa mga paninirang puri
Lalong-lalo na kung galing lamang sa mga mahihinang uri

Sabi sa 'kin ni Bathala, "Matapang ka pala"
Pusong leon kaya dibdib mo ay walang mga daga
Alam mo bang mga pangarap mo ay pansamantala lamang
Samantalang ang kapalaran ay sa mga tala nakatala?
Kaya pala parang tamad na mag-aaral, walang kadala-dala
Walang pang baon, pero kahapon pa ako handa
Maglakad sa gubat kahit na takot sa palaka

Inakyat ang kabundukan at maghapong naggala
Inabutan ng dilim, muntikan na 'kong mawala
Sa sarili ko, 'pag gapang ko, wala 'kong makapa
Nasa dulo na pala ng bangin, wala nang kawala
Tumalon na lang kaya ako, kakayanin ko kaya?
Kaya ako'y napadasal, sabay salto padapa
"Bahala na si Batman," 'yan ang saktong kataga
'Tsaka na 'ko gagawa ng mga pakpak ko pababa

Tinanggap ang bawat hamon ng mundo
Lumaban, nakipaglaro ng apoy at patintero kay kamatayan
Bitbit ko ay panalangin paglabas ng pinto
Nakakapunit man ang hanging sasalubungin ay yayakapin ko

Andami talagang nais manira ng pangalan
Ngunit karamihan ay takot tumira ng harapan
'Pag hindi ko na malaman kung kaibigan o kalaban
Ngingitian ko na lamang at (yayakapin ko)
Kahit ga'no kapait ng naranasan
Masakit na nakaraang hindi ko matakasan
Walang awang tadhana ay tatawanan
Kahit ga'no kasama ng kapalaran ay (yayakapin ko)

Sabi sa 'kin ni santanas "Mayabang ka pala"
"Tuturuan kita kung paano magpakumbaba"
"'Di ka na maiisasalba ng mga kanta mong gawa"
"Pa'no mo tutubusin ang kaluluwang matagal nang nakasangla?"
"Binaba ang dangal at nagpakahangal, para lang ikaw ay mahalin ng madla"
"At biniyayaan ng katanyagan, kaso lang halata na hindi ka handa"
"Kaluluwa kapalit kasikatan, 'yan ang usapang nakatakda"
"Sa kontratang 'to na may pangalan mo na nakalagda"

Teka lang, 'wag ka pakasigurado, 'di mo pa ako pag-aari
Dahil ang titulo ng kaluluwa ko'y nasa akin
At ang kasunduan natin ay puro lamang usapang hangin
Kasi autograph ang nilagda ko sa kontrata
At handa akong tahakin ang mahabang landas pabalik
Balewala ang pagod at sakit, basta pag-uwi, yakap at halik
Ng aking asawang malupit at dalawang anak kong makulit
Para sa kanilang kapakanan, gagawin ko lahat, anuman kapalit

Tinanggap ang bawat hamon ng mundo
Lumaban, nakipaglaro ng apoy at patintero kay kamatayan
Bitbit ko ay panalangin paglabas ng pinto
Nakakapunit man ang hanging sasalubungin ay yayakapin ko, oh
Ano man ang hangarin sa akin ng langit, kakayanin ko, oh
Sugatan man ng malalim, tagos sa damdamin ay tila balewala

Tatanggapin ko ng buo kahit pa gaano kapait (tila balewala)
Sasagarin ko hanggang sa buto kahit pa gaano kasakit (tila balewala)
Aakyatin ko ang pinakatuktok kahit pa gaano katarik (tila balewala)
Bawat suntok na sinalo ay may tadyak na kapalit
Dinuduro ako ng mundo kaya nginaratan ko pabalik

Tinanggap ang walang kwentang mga hamon
Para bilhin si Loonie, binenta ko si Marlon
Matalo man ngayon, bukas ang pwersa ko'y babangon
Pangako, mas malakas pa ng triple kaysa sa kahapon
At kung putapete ang kadebate, pare, 'di bale na lang
Walang pakialam, miski hirangin pinakamayabang
At kahit maraming kalaban na balak sirain ang aking pangalan ay balewala
Kasi wala naman akong pekeng imaheng inaalagaan kaya

Tinanggap ang bawat hamon ng mundo
Lumaban, nakipaglaro ng apoy at patintero kay kamatayan
Bitbit ko ay panalangin paglabas ng pinto
Nakakapunit man ang hanging sasalubungin ay yayakapin ko, oh
Ano man ang hangarin sa akin ng langit kakayanin ko, oh
Sugatan man ng malalim, tagos sa damdamin ay tila balewala

Andami talagang nais manira ng pangalan
Ngunit karamihan ay takot tumira nang harapan
'Pag hindi ko na malaman kung kaibigan o kalaban
Ngingitian ko na lamang at (balewala)
Kahit gaano kapait nang naranasan
Masakit na nakaraang hindi ko matakasan
Walang awang tadhana ay tatawanan
Kahit ga'no kasama ng kapalaran ay (ay, ay, ay, ay)

Tatanggapin ko ng buo kahit pa gaano kapait (balewala)
Sasagarin ko hanggang sa buto kahit pa gaano kasakit (balewala)
Aakyatin ko ang pinakatuktok kahit pa gaano katarik (balewala)
Bawat suntok na sinalo ay may tadyak na kapalit
Dinuduro ako ng mundo kaya nginaratan ko pabalik