paroles de chanson Dźmuchaŭcovaje Vino - Lavon Volski

Мы ў жыццёвы вір сваё скіроўвалі стырно
Былі ўсе нягоды нам няўзнак
І мы пілі з табою дзьмухаўцовае віно
Мне не забыцца на ягоны смак

Дзьмухаўцовае віно...
Дзьмухаўцовае віно...

Не турбавала нас, ці то відно, ці не відно
Натхняў нас вір бязлітасных атак
І мы пілі з табою дзьмухаўцовае віно
Мне не забыцца на ягоны смак

Дзьмухаўцовае віно...
Дзьмухаўцовае віно...

Падаюць зоркамі
Па-над пагоркамі
Мроі калішніх часоў
Моракам, ценямі
І летуценнямі
Знікнуць без знаку ізноў
Ізноў...

Пранесліся гады гарачых коней табуном
І нельга іхні без спыніць ніяк
І п'ю адзін я сёння дзьмухаўцовае віно
Не адчуваючы ягоны смак

Дзьмухаўцовае віно...
Дзьмухаўцовае віно...

Дзьмухаўцовае віно...
Дзьмухаўцовае віно...