paroles de chanson I Te Vurria Vasà - Mângo

Oh! Che bell′aria fresca...
Che addore 'e malvarosa...
E tu durmenno staje,
′Ncopp'a sti ffronne 'e rosa!

E o sole, a poco a poco,
Rinto o ciardino sponte...
′O viento passa e vasa
Stu ricciulillo ′nfronte!

I' te vurría vasá...
I′ te vurría vasá...
Ma 'o core nun mm"o ddice
′E te scetá...
'E te scetá!...

I′ mme vurría addurmí...
I' mme vurría addurmí...
Vicino ô sciato tujo,
N'ora pur′i′...
N'ora pur′i'!...

Tu duorme oje Rosa mia...
E duorme a suonno chino,
Mentr′io guardo, 'ncantato,
Stu musso curallino...

E chesti ccarne fresche,
E chesti ttrezze nere,
Mme mettono, ′int"o core,
Mille male penziere!

I' te vurría vasá...
I' te vurría vasá...
Ma ′o core nun mm"o ddice
′E te scetá...
'E te scetá!

I′ mme vurría addurmí...
I' mme vurría addurmí...
Vicino ô sciato tujo,
N′ora pur'i′...
N'ora pur'i′!...