paroles de chanson Palcoscenico - Maria Nazionale

Signó' acalàte,
Ca i', dimane, nun ce vengo

Va p' 'o vico na voce, na stesa
P' 'e mmaéste ca vònno fà spesa
Na carretta, ch'è chiena 'e campagna
Ll'accumpagna pe' tutt' 'a città

Mo na sciassa cu 'o rrusso e cu 'o ggiallo
S'appresenta cu 'a museca e 'o ballo
Pazzariéllo è chist'ommo ch'avanza
Vótta e scanza, cchiù folla se fa

Puó' dì
Ch' 'e strade 'e Napule cheste só'
Nu palcoscenico
Puó' dì
Ch' 'a gente 'e Napule chesto vò'
Nu palcoscenico
Só' scene comiche
Só' scene tragiche
Mentre se recita
Siente 'e cantà:
"Napule, Napule, Napule, Na'
Acqua fresca, chi s' 'a véve"

'Npont'ô vico s'apára na festa
Passa 'o ruoto, 'o varrile, 'a canesta
Comm'arriva na chiorma 'e straniere
Che se vede? Currite, currì'
Che se vede? Currite, currì'

Carulina se scippa cu Rosa
Chesta è 'nzista, ma chella è gelosa
Pe' nu guappo ca 'nganna duje core
Sti ddoje sore só' bone 'e murì

Puó' dì
Ch' 'e strade 'e Napule cheste só'
Nu palcoscenico
Puó' dì
Ch' 'a gente 'e Napule chesto vò'
Nu palcoscenico
Só' scene comiche
Só' scene tragiche
Mentre se recita
Siente 'e cantà:
"Napule, Napule, Napule, Na'
Acqua fresca, chi s' 'a véve"

Só' scene comiche
Só' scene tragiche
Mentre se recita
Siente 'e cantà:
"Napule, Napule, Napule, Na'
E mellune chine 'e fuoco"

Signó' acalàte
Ca i', dimane, nun ce vengo
Acalàte