paroles de chanson Es isch Zit - Marty McKay

Ich wet doch nur mis Läbe läbe
Eifach statt kompliziert
Es isch jetz oder niä

Bin im falsche Film verwacht, wo chani mis Billet retouniäre?
Diä surreali Timeline im Multiverse git mer z studiäre
Ich wet unbeschwert und eifach
Doch lang isch es her, was würi wohl mache wenn das ganze nöd wär
Süchtig nach Angst als Vorwand zum öppis gspühre
Schiäbed s Läbe uf morn, zum eus selber betrüge
Z'vil verstummti Züge vo Lüge ohni Angst d Würd z' verlüre
Gschicht widerholt sich, eusi Vorfahre würs gfrühre
Verloreni Stunde inäre stille Verzwiflig
Uf eme Tripp, erstickt i dem Irrsinn
Mer händ doch vorher scho gnueg Sorge kah
Drum müemer zrug is Läbe, de Zeiger blibt nöd stah

Mir wänd uf en Cruise aber händ Angst vom vertrinke
Inäre Höli, gseh nur Schatte ah de Wand

Denn mir müend zrug
Zrug Is Läbe
Es isch Zit
Es isch Zit
Eimal falsch gluegt, scho simer alt
Ja es isch Zit
Es isch Zit
Denn morn isch nöd garantiert
Wer weiss was susch no so passiert?
Denn alles womer händ
Ja alles womer händ
Isch jetzt

S neue Läbe am Limit isch d Vollkasko Existenz
Nöd mal eh Smart Watch zeigt eh Herzfrequenz
Mer händ s Gfühl mer flüged, aber sind uf de Chnüh
Mit dem verbarikadierte Dänke, rien ne va plus
Nur wer gar nüt seit chunt bi allne guet ah
Zvil Fahne im Wind, kei Rückgrad zum für öppis istah
S alte verstaubte Dänke gege s neue Bewustsi
Nur glernt uswändig lärne, und drum biz hinedri
Mer müend ufhöre eus gegesitig immer witer z zerstöre
Sobalds eim selber nöd trifft, nüt gspühre, nüt köre
De gröscht Schade enstaht durch di schwigendi Masse
Jede muess ad Kasse um de Uswäg nöd zverpasse

Mir wänd uf en Cruise aber händ Angst vom vertrinke
Inäre Höli, gseh nur Schatte ah de Wand

Denn mir müend zrug
Zrug Is Läbe
Es isch Zit
Es isch Zit
Eimal falsch gluegt, scho simer alt
Ja es isch Zit
Es isch Zit
Denn morn isch nöd garantiert
Wer weiss was susch no so passiert?
Denn alles womer händ
Ja alles womer händ
Isch jetzt

Ich wet doch nur in Rueh mis Läbe läbe
Z'lang uf Standby gsi
Eifach statt kompliziert
Zäme und nöd gegenenand

Denn mir müend zrug
Zrug Is Läbe
Es isch Zit
Es isch Zit
Eimal falsch gluegt, scho simer alt
Ja es isch Zit
Es isch Zit
Denn morn isch nöd garantiert
Wer weiss was susch no so passiert?
Denn alles womer händ
Ja alles womer händ
Isch jetzt