paroles de chanson Vətən Savaşı - Mübariz Tağıyev

Al rəngə boyanır Günəşin üzü
Yer-göy parçalanır güllə səsindən
Ağ daşı titrədir qələbə sözü
Bizim igidlərin gur nərəsindən

Tarixə yazılır vətən savaşı
Şir kimi döyüşür hər igid əsgər
Haradasa bir uşaq üzdə göz yaşı
Atasın gözləyir hər axşam-səhər

Kimsə unudacaq ötən günləri
O göz yaşları kim unudar, kim?
Ata o davadan qayıtmaz geri
Bəs onun dərdini kim ovudar, kim?

Balalar ovcunda qəlbini sıxar
Analar nə çəkər, bir Allah bilər
İntizar gözləri yollara baxar
Yollar dolu gedər, əli boş gələr

Al rəngə boyanır Günəşin üzü
Yer-göy parçalanır güllə səsindən
Ağ daşı titrədir qələbə sözü
Bizim igidlərin gur nərəsindən

Düşmən məğlub olar, ötüşər zaman
Gözlərdə quruyar yaş gilə-gilə
Qapıda dayanıb həsrətlə hər an
Atasın gözləyir o uşaq hələ
Atasın gözləyir o uşaq hələ

Anacan, atam gəlir