paroles de chanson Wo bitte bliibt z Drama?! - NOXX

Öppadia als kliina Buab
Han i noch möglicha
Horrorutopia gsuacht
Wo nid so schön gsi wären
A Schlammlawina ruuscht ins Tal
Bedeckt Doma Ems, nu paar
Tumas und de Kirchturm ragen
Usema Moltaberg

Dr Montalin entpuppt sich als Vulkan
Und git mächtig Gas
Als Überraschigsgast bringt er sogar
Sin Homie Erdbeba und de
Git Graubünda mol en Schubs
Und schwups, goht alles hopps
Han amel ghofft, dass es nid so wird
I merk hans mr falsch vorgstellt will

Lansgsam schliicht sich öpis a
Bliibt für s ersti unsichtbar.

En anderi so Szenerie
Woni mr vorgstellt han
En riesiga Meteorit
Wo uf Europa knallt
Vilicht nid grad genau ufd Schwiiz
Aber das miacht denn au
Kei allzugrossa Unterschied meh
S wär eh alles zu Sau

Und denn gängtis üs in öppa glich
Wia da Dinosaurier
Mitem kliina, fiina Unterschied
Dass dia schneller laufa könna hend
A Wella kämt zu üs mit Druck,
Glühandi Luft, s goht alles druf
Han amel ghofft, dasses nid so wird
I merk hans mr falsch vorgstellt, will

Langsam schliicht sich öpis a
Bliibt für s ersti unsichtbar
Lang schu do wennd böses ahnsch

Aber wo bitte bliibt z Drama
I khör ger kai Knall
I khör nu de Nama
Immer und überall
Wo bitte bliibt z Drama
I hett uf kai Fall, denkt
Dass ohni Tamtam eifach d Welt so zerfallt

D Welt so zerfallt
Eifach zerfallt
D Welt so zerfallt!