paroles de chanson Yeh Jo Halka Halka Saroor - Nusrat Fateh Ali Khan & Qawwali

Saaqii ki har nigaah pe bal khaa ke pee gayaa
Laharon se khelataa huaa lahraa ke pee gayaa

Ai rahmat-e-tamaam meri har khata muaaf
Main intehaa-e-shauq mein ghabraa ke pee gaya

Peetaa beghair izn ye kab thii meri majaal
Dar-pardaa chashm-e-yaar kii shah paa ke pee gayaa

Zaahid ye merii shokhi-e-rindaana dekhnaa
Rahmat ko baaton baaton mein bahlaa ke pee gayaa

Oodi oodi ghataein aati hain
Mutribon ki nawaein aati hain

Kis ke gesu khule hain saawan mein
Mehki mehki hawaein aati hain

Aao sehn-e-chaman mein raqs karein
Saaz lekar ghatein aati hain

Dekh kar unki ankhadion ko adam
Maikadon ko hawaein aati hain

Paas rehta hai dur rehta hai
Koi dil mein zaroor rehta hai

Jab se dekha hai unki aaknhon ko
Halka halka suroor rehta hai

Aise rehte hain wo mere dil mein
Jaise zulmat mein noor rehta hai

Ab adam ka wo haal hai har qadam
Mast rehta hai choor rehta hai

Ye jo halka halka suroor hai
Ye teri nazar ka qusoor hai
Ke sharaab peena sikha dia

Tere pyaar ne teri chaah ne
Teri behki behki nigaah ne
Mujhe ek sharaabi bana dia

Sharaab kaisi khumaar kaisa
Ye sab tumhari nawazishein hain
Pilayi hai kis nazar se tune
Ke mujhko apni khabar nahin hai

Saara jahaan mast jahaan ka nizaam mast
Din mast raat mast sahar mast shaam mast
Mast sheesha mast suboo mast jaam mast
Hai teri chashm-e-mast se har khaas-o-aam mast

Ye jo saqi har tarah ki tere maikhaane mein hai
Wo bhi thodi si jo in aankhon ke paimaane mein hai

Sab samajhta hun teri ish (??) nazar ai saqi
Kaam karti hai nazar naam hai paimaane ka

Tera pyaar hai bas meri zindagi

Na namaz aati hai mujhko na wuzoo aata hai
Sajdaa kar leta hun jab saamne too aata hai

Main azal se bandaa-e-ishq hun
Mujhe zuhd-o-kufr ka gham nahin
Mere sar ko dar tera mil gaya
Mujhe ab talash-e-haram nahin

Meri bandagi hai wo bandagi
Jo ba qaid-e-dair-o-haram nahin
Mera ik nazar tumhein dekhna
Baa khuda namaz se kam nahin

Tera pyaar hai bas meri zindagi

Qayamat mein tera dagh-e-muhabbat lekar uthunga
Teri tasveer us dam bhi kaleje se lagi hogi

Kyunki

Tera pyaar hai bas meri zindagi

Teri yaad hai meri bandagi
Jo teri khushi wo meri khushi
Ye mere junoon ka hai moajzaa
Jahan apne sar ko jhuka dia
Wahan maine kaaba bana dia

Mere baad kisko sataaoge??

Dil jalon se dil lagi acchi nahin
Rone walon se hansi acchi nahin
Dillagi hi dillagi mein dil gaya

Oh mere dil gaya dil gaya dil gaya

Khuda ke liye apni nazron ko roko warna
Mera dil gaya dil gaya dil gaya

Meri tarah khuda kare tera bhi kisi per aaye dil
Too bhi kaleja thaam ke kehta phire ke haye dil

Mera dil gaya dil gaya dil gaya

Dillagi hi dillagi mein dil gaya
Dil lagaane ka nateeja mil gaya
Main to rota hun ke mera dil gaya
Tum kyun hanste ho tumhein kya mil gaya??

Accha phir

Mere baad kisko sataaoge??
Mujhe kis tarah se mitaaoge
Kahan jaa kar teer chalaoge
Meri dosti ki balayein lo
Mujhe hath utha kar duaayein do
Tumhein ek qaatil bana dia

Mujhe dekho khwaish-e-jaan-e-jaan
Main wahi hun anwar-e-neem jaan
Tumhein itna hosh tha jab kahaan
Na chalao is tarah tum zubaan
Karo mera shukria meherbaan
Tumhein baat karna sikha dia

Ye jo halka halka suroor hai
Ye teri nazar ka qusoor hai
Ke sharaab peena sikha dia