paroles de chanson Zolim Yillar - Ozoda Nursaidova

Zolim bu yillar, xoin bu yillar,
Zolim bu yillar,
Shafqatsiz, toqatsiz yillar.
Oqargan sochimda alamlar,
Dardin tugatolmay qalamlar,
Husnini asrolmay sanamlar,
O'tdilar bu xoin yillar.
Ne-ne diydorlardan judo,
Allalab, erkalab, ado,
Birgina joningni savdo
Qilarlar bu zolim yillar.
Zolim bu yillar, xoin bu yillar,
Zolim bu yillar,
Shafqatsiz, toqatsiz yillar.
Qaytib ber eng go'zal chog'im,
Rangin ko'rkidagi tog'im,
Yig'latib to'ymading sozim,
Tinglamas zorimni yillar.
Ko'nglimda qanchalar armon,
Yalindim besamar sarson,
Ey Xudo, buncha ko'p yolg'on
Ko'rsatdi bu makkor yillar?
Zolim bu yillar, xoin bu yillar,
Zolim bu yillar,
Shafqatsiz, toqatsiz yillar.
Eh, bu yillar...
Yig'lamay bo'larmi ayting,
Joningdan o'tganda darding?
Yolvoray, yolvoray, bir zumga qayting...
Zolim bu yillar, xoin bu yillar,
Zolim bu yillar,
Shafqatsiz, toqatsiz yillar.