paroles de chanson Companero - Patent Ochsner

Mir si i dr schtosszyt zäme dür ds chrüzfüür
Roubritterglych
Die gägen üs & mir gäg aus
Hei geisseneier gsuecht
Toujour überlade uf huuchdünnem ys
Mit formel-1-rennfahrergalgehumor
Mir hei ging e schwelbrand umetreit
& Bruchschtück vom nüt
Vou hohn & schpott für au dä
Haarschpauterdünnbrättbohrerchlychram
Vo chatzbugglige chummerbuebe
Mit ihrne hasehärz schtändig im chräbs-
Gang
Hey, compañero sentimental!
I wär nid dä won i hüt bi
We du denn nid drby wärsch gsi
Compañero sentimental!
Schad geit aus so schnäu verby -& geit
Wyter ohni di
Mir hei ygschteckt & hei usteilt
Prysboxerglych
Mit fasch aune wasser gwäsche
Näb de schueh im schilf
Si vo dr mördermittagshitz
Fadegrad i die gmässigti zone
Hey, compañero sentimental!
I wär nid dä won i hüt bi
We du denn nid drby wärsch gsi
Compañero sentimental!
Schad geit aus so schnäu verby -& geit
Wyter ohni di
Me cha zwar mängem chünig diene
Aber dienet schliesslech keim
Biedermeiereinheitsmief
& Mir hei dene afa glyche
Wo mir nie hei wöue sy - nume bire wärde
So ryf
Die chifertäferchutte ziehn i gschider
Wieder ab
& Gibe mir e blössi
Hole mys auerliebschte fyndbild
Nomau us em chäuer
Putzes bis es wieder so glänzt wie denn
& Nagle mir das schöne schtück vor a myni
Schtirne
Hey, compañero sentimental!
I wär nid dä won i hüt bi
We du denn nid drby wärsch gsi
Compañero sentimental!
Schad geit aus so schnäu verby -& geit
Wyter ohni di