paroles de chanson E fora chiovi - Perturbazione

Senti ca fora chiovi
'A pasta chî fasòli?
'U surci si maríta
E si pígghja a Margherita

A prova fora novi
Tira 'u pupu ca si movi
E mentri fora chiovi
Ccà nun si movi nenti

Maistràli porta l'acqua
'A la mula nun si 'mbarda
ô mulinu nun macina
'A farina nun si 'mpasta,
Lu pani nun si 'nfurna,
Lu furnu nun si ardi
E mentri fora chiovi
'A genti parti

E me nonna vicchiarèđđa
Assettata a siggitèđđa
Cerca lu jrtàli
Pi cùsiri 'u fadàli

Maistràli sciuscia forti
Assicura vita e morti
E mentri fora chiovi
Me nonna mori...

Quanti cosi m'ansignàsti
'A coscienza ca mi dasti
A nun diri mai Vuscienza
A parràri pari pari
Cu la genti avtulucàta
A tinìri 'a testa àuta.

Nte pinnìna stritti stritti
Li negghi fitti fitti
Fannu ùmmara a la luna
Pari joca a testa e cruna

Maistràli assàcca e arrànca
E 'na luci bianca e stanca
Chiùj l'occhi adàsciu adàsciu
ô nghiaccàtu ormai vagnatu
E mentre fora chiovi
Ccà. nun si movi nenti