paroles de chanson I schänke dir mis Härz - QL

I schänke dir mis Härz
Meh han i nid
Du chasch es ha, we de wosch
Es isch es guets und es git
No mängi wos würd näh
Aber dir würd i's gä
D'Szene isch e chliini Bar
Irgendwo i dere Stadt
Und i bschteue e Whiskey
Hocke irgendwo ab
Wos grad Platz het u luege so chli ume
Wär so umenang hocket
Aber kenne tueni niemer hie inne
Überau hocke Lüt hinger Schampus-chüble
Geng e Frou un e Typ
U nippe am ne Flüt u hange anenang a
U rede öppis über nüt
U nume i bi allei
Hie u da wächsled s'Liecht
Hie u da verschwinde wider zwöi irgendwo
Und irgendeinisch geit hinde
E dunkelblaue Vorhang uf
Hinger em Vorhang het's e Bühni
U uf der Bühni schteit e Frou
Wo i de Ungerhose irgendsone Shou zeigt
(Instrumental)
I hocke so chli da
U i luege so chli zue
U merke plötzlech
Dass i irgend sone Hang uf em Chnöi ha
U dräie mi um
U näbe mir hocket eini
Won i nie vorhär ha gseh
U fragt öb i alleini sig
U sie sig ou allei
I söu nid überlege
I gfaui 're so
Sie wöu doch eifach echli rede
Viellecht sött i hie no säge
Sie gseht schön us
Sie isch e schöni mit schöne blaue Haar
Klar bin i nervös worde
Klar hani drunke
U mit jedem Schluck het sie mi
No chli schöner afa dünke
U nach jedem Glas Champagner
Hets sie geng no eis wöue
I ha zaut u zaut
Bis i eifach nüm ha chönne
U ha gseit:, Hey wei mir nid zu mir oder so'
Sie het gseit:, I chönnt di so verwöhne
So ire haub Schtung chönnt i cho
Jitz säg mer eifach nume no wiviu
Säg wieviu
Wiviu gisch mer wenn i chume?
I schänke dir mis Härz
Meh han i nid
Du chasch es ha, we de wosch
Es isch es guets und es git
No mängi wos würd näh
Aber dir würd i's gä