paroles de chanson Mataouel Dellil - Rachid Taha

ما اطول ذا الليل كي يطوال و انا في بيت غير وحدي
غزلي مبني على الخبال ما صبت سلاك كي نسدي
جاني مرسول بعد حال دقدق في الباب قال سيدي
قلت لها أهلا وسهلا بقدومك يا الريم عندي
نترجّى فيك ذا اشحال يا طفلة فيك خاب سعدي

قالت رقيب كان راقب ما صبت سلاك كي نجيك
راني يا غاية الحراب خفت الشيعة تجي عليك
بدات دموعها تزهزب قالت متهوم غير بيك
القتل و لا اللوم صاعب ذي عمري رخصتها ليك

الدنيا غير قال قال شعنا في المدن و البوادي
قلت لها يا ضي الهلال تعرفي خاطري عنودي
أنا من سربة البطال بني عامر ذوك وردي
و انت تركي و بوك صال خليفة باينا الوندي

هاذي ليلة و كل ليلة و احنا فيها مونسين
بالوحش قلوبنا غلالة هاذي عامين تامين
الشمعة دارت الدبيلة و قالت لي قوم يا حزين
جيب البوجي علاه تسلي جيب الحرجان كاملين

تنقر الكاس و الخلاخل و الخضراء زهو للملاح
البوجي في الحسوك شاعل و الخد قبالته وضّاح
آساقي اسقي و كون عاقل إسقي قلبي الراح بالراح
قالت زهرا و كيف نعمل والفجر أضيا و راه ل اح
الصّابر لا غنى ينال غير آنايا طوال وعدي
الحب يذوّب الرجال صفة مولاه لبد ردي
نصطاد الوحش و الغزال ناكل من جابها زنادي
نفرز الجيفة م الحلال خايصة و حبارى و رمدي
يا بنت ثراية الأغوال أهل قفاطن و الجريدي
من بكري يركبوا الطوال يحلفوا إلا براس عودي
ضحكت هي القلب مال وفرحت أنا أسقام سعدي
تعانقنا على هبال و تخالف عضدها بعضدي