paroles de chanson خاصمنا بعض - Ramy Gamal

خاصمنا بعض مرتحناش، رجعنا لبعض معجبناش
وكل ده لسه مفهمناش حكايتنا
سمعنا كتير كلام الناس لحد ما جينا ع الإحساس
نسينا ان احنا كنا زمان براحتنا
بالشكل ده مش هقدر أتحمل ولا هعرف أكمل
العند طول و انت متغير عن الأول
بعد اللي شايفه معاك عايزني استنى ايه
حب وكده؟ مبقتش حاسس بالأمان ولا لاقي راحتي
آه دي الحقيقة اوعى تزعل من صراحتي
فكر وشوف وانا هعمل اللي تقول عليه
أجبلك صبر تاني منين، أنا فين وأنت أصلاً فين
هيبقى الوضع ايه بعدين صحيح قولي
أنا بزعل على أوقات معاك بتفوت في خوف وآهات
طب اشمعنى انا بالذات يضيع أملي
بالشكل ده مش هقدر أتحمل ولا هعرف أكمل
العند طول و انت متغير عن الأول
بعد اللي شايفه معاك عايزني استنى ايه
حب وكده؟ مبقتش حاسس بالأمان ولا لاقي راحتي
آه دي الحقيقة اوعى تزعل من صراحتي
فكر وشوف وانا هعمل اللي تقول عليه