paroles de chanson Suspiranno - Roberto Murolo

'Na fenestella 'e foglie rampicante
'Na puntigliosa cu 'nu musso astrinto
E 'nu suspiro mio ch' 'a vasa 'nfronte
Arape 'a vocca e ce se 'mpizza dinto
'Na fenestella 'e foglie rampicante

Suspiro mio vièneme a dì che fa
Penza 'e fà pace, o penza 'e mme lassà?
T'aspetto a fianco e rrose, addó saje tu
Addó diceva, "Io nun te lasso cchiù
Io nun te lasso cchiù"

E tècchete, 'e rimpetto 'a luna sponta
Dicenno: "Bonasera a tuttu quante
Jate a ll'appuntamento, ca i' so' pronta
Femmene belle e giuvinotte amante"
E tècchete, 'e rimpetto 'a luna sponta

Suspiro mio vièneme a dì che fa
Penza 'e fà pace, o penza 'e mme lassà?
T'aspetto a fianco e rrose, addó saje tu
Addó diceva, "Io nun te lasso cchiù
Io nun te lasso cchiù"

'Na fenestella 'e foglie rampicante
'Na làcrema caduta 'e pentimento
E 'na vucchella e ddoje manelle pronte
Ca tornano a chiammà ll'antico amante
'Na fenestella 'e foglie rampicante

Torna 'o suspiro e dice: "Viene 'a cca
Ca vo' fà pace e nun te vo' lassà
Chella ch'ha ditto a fianco ê rrose thè
"È overo, è overo
E moro senza 'e te
E moro senza 'e te"