paroles de chanson Lingashtakam - S. P. Balasubrahmanyam

ब्रह्ममुरारिसुरार्चितलिङ्गम्
निर्मलभासितशोभितलिङ्गम् ।
जन्मजदुःखविनाशकलिङ्गम्
तत् प्रणमामि सदाशिवलिङ्गम् ॥
देवमुनिप्रवरार्चितलिङ्गम्
कामदहम् करुणाकर लिङ्गम् ।
रावणदर्पविनाशनलिङ्गम्
तत् प्रणमामि सदाशिव लिङ्गम् ॥
सर्वसुगन्धिसुलेपितलिङ्गम्
बुद्धिविवर्धनकारणलिङ्गम् ।
सिद्धसुरासुरवन्दितलिङ्गम्
तत् प्रणमामि सदाशिव लिङ्गम् ॥
कनकमहामणिभूषितलिङ्गम्
फनिपतिवेष्टित शोभित लिङ्गम् ।
दक्षसुयज्ञ विनाशन लिङ्गम्
तत् प्रणमामि सदाशिव लिङ्गम् ॥
कुङ्कुमचन्दनलेपितलिङ्गम् पङ्कजहारसुशोभितलिङ्गम् ।
सञ्चितपापविनाशनलिङ्गम्
तत् प्रणमामि सदाशिव लिङ्गम् ॥
देवगणार्चित सेवितलिङ्गम्
भावैर्भक्तिभिरेव च लिङ्गम् ।
दिनकरकोटिप्रभाकरलिङ्गम्
तत् प्रणमामि सदाशिव लिङ्गम् ॥

अष्टदलोपरिवेष्टितलिङ्गम्
सर्वसमुद्भवकारणलिङ्गम् ।
अष्टदरिद्रविनाशितलिङ्गम्
तत् प्रणमामि सदाशिव लिङ्गम् ॥
सुरगुरुसुरवरपूजित लिङ्गम्
सुरवनपुष्प सदार्चित लिङ्गम् ।
परात्परं परमात्मक लिङ्गम्
तत् प्रणमामि सदाशिव लिङ्गम् ॥
लिङ्गाष्टकमिदं पुण्यं यः पठेत् शिवसन्निधौ ।
शिवलोकमवाप्नोति शिवेन सह मोदते ॥