paroles de chanson Biš Ga Prevarila - Sajeta

Se spametiš na dramskoj sekcije
Kad smo delali predstave
Od patujki i Snjeguljice

On je vavek princa igral
A ja san bil drevo ili grm
On je vavek princa igral
A ja san bil drevo ili grm

Zdola mojga imena
Na sakoj stranice dnevnika
Bili su sati neopravdani
I namešćeni ukori

A njega su se malice volele
Imel je uzorno vladanje
Bil je prezidente omladine
I danas je na sličnoj funkcije

On je bil voda i led
A ja oganj i dim
On je otel bit direktor
A ja Morrison Jim

Tebe je bilo važno ča će judi govorit
A ne s ken ćeš po noće posteju podelit
I ti si šla s njin
On je siguran vas
A ja san vetra sin

Al on ti ni nikada
Pokazal kade grota razbija val
On te ni nikada
Va dolac pun rožic zapejal

I sad kad si ti progledala si videla
Kraj njega si rano ostarela
I sad kad si ti ostarela
Biš ga s manun prevarila

On se dela po neken programe
Sto pet puti na leto
Dvaput va šetimane

I dok san noći nadvijen
Zgora svoje gitare
Na njegoven vrat se kambjuju kravate

I ne znaš kega volet od nas dva
A život je jedan i brzo pasa
I on je voda i led
A ja oganj i dim
Al on je postal direktor
A ja nisam Morrison Jim

Al on ti ni nikada
Pokazal kade grota razbija val
On te ni nikada
Va dolac pun rožic zapejal
I sad kad si ti progledala si videla
Kraj njega si rano ostarela
I sad kad si ti ostarela
Biš ga sa mnom prevarila

Biš ga sa mnom prevarila...